თურქეთში მოგზაურობისთვის ელექტრონული ანკეტების შევსება სავალდებულო იქნება. შესაბამისი რეგულაცია 15 მარტიდან ამოქმედდება. ანკეტის შევსება კორონავირუსთან დაკავშირებულ უსაფრთხოების ზომებს უკავშირდება.
სპეციალური ფორმა, რომლის შევსებაც თურქეთში მოგზაურობის მსურველებს გამგზავრებამდე 72 საათით ადრე მოუწევთ, ქვეყნის ჯანდაცვის სამინისტროს ვებგვერდზეა განთავსებული.
ანკეტაში მოგზაურის შესახებ რამდენიმე მონაცემი იქნება ასახული, მათ შორის სახელი, გვარი, ეროვნება, პასპორტის და ტელეფონის ნომრები, ასევე ელექტრონული ფოსტის მისამართი.
შეგახსენებთ, რომ მანამდე თურქეთის ხელისუფლებამ უცხოელებს ქვეყანაში გამგზავრებამდე COVID-19-ის ტესტის უარყოფითი პასუხის წარდგენა დაავალდებულა.
კომენტარები