წყვილი, რომელმაც ქორწილი თერთმეტჯერ გადაიხადა – “ქორწილს შვილები არ ესწრებიან”

ქართველ წყვილს 11 წლის განმავლობაში 11 ქორწილი ჰქონდა, ამის შესახებ სტომატოლოგი ლიკა ბერიძე „შორენას ეფექტში“ საუბრობს.

„11 წელია, რაც მე და ჩემი მეუღლე ერთად ვცხოვრობთ. ვართ სტომატოლოგები. ერთად ვმუშაობთ და სამი შვილი გვყავს.

11- ჯერ გადავიხადეთ მე და ჩემმა მეუღლემ ქორწილი, ყოველ წელს ეს განსაკუთრებული ტრადიცია გვაქვს. ყოველ წელს გვაქვს ტორტი, რომელიც სანთლებითაა დანომრილი. მეჯვარეს ჩემთვის თაიგული მოაქვს, რომელსაც ჩვეულებრივ ვისვრი, როგორც დედოფლები აკეთებენ.

წელიწადში 12 თვიდან 6 თვე ამ ემოციით ვცხოვრობთ. ნოემბერში იწყებ მზადების პროცესს. ვტკბებით ამ პროცესით, ლაღად და ბედნიერად ვცხოვრობთ.

ქორწილს ჩემი შვილები არ ესწრებიან, ეს მხოლოდ ჩემი და ჩემი მეუღლის დღეა.

24 წლის ვიყავი პირველი ქორწილი რომ მქონდა, დაძაბულობით ჩაიარა და ვერ შევიგრძენი დედოფლობა ისე, როგორც წარმომედგინა. თეთრი კაბა ბავშვობიდან იმდენად მიყვარდა, რომ არ მეყო, ჩემთვის ძალიან ცოტა იყო.

რომ მოვიდა ქორწილების წლისთავი, ბანალურობა არ მინდოდა, რადგან მიყვარდა თეთრი კაბა, ჩავიცვი, დავურეკეთ მეჯვარეებს და ამის შემდეგ ასე აღვნიშნავთ“, – ამბობს ლიკა ბერიძე.