საქართველოს პარლამენტის განათლების, მეცნიერებისა და კულტურის კომიტეტის თავმჯდომარე დარგობრივი სამინისტროს საჯარო სამართლის იურიდიულ პირებთან შეხვედრებს განაგრძობს. ინფორმაციას საქართველოს პარლამენტის პრესსამსახური ავრცელებს.
ამჯერად, თეა წულუკიანი საქართველოს ხალხური სიმღერისა და ცეკვის ანსამბლ „ერისიონის“ ხელმძღვანელობას შეხვდა და ანსამბლის წევრთა სამუშაო პირობებს ადგილზე გაეცნო.
შეხვედრაზე აღინიშნა, რომ ანსამბლს არაერთი პრობლემა აწუხებს, მაგრამ მისი უპირველესი ამოცანა მის ინფრასტრუქტურას უკავშირდება.
კერძოდ, ერისიონისათვის გამოყოფილი ფართი კერძო საკუთრებაა, შენობა რესტავრაცია-რეკონსტრუქციას საჭიროებს და ანსამბლის წევრებს შემოქმედებისათვის არ აქვთ ელემენტარული პირობები.
კომენტარები