გიორგი შაქარაშვილის ბიძა მირიან ნიკოლაძე სასამართლო დარბაზში განვითარებულ პროცესებს ყვება.
მისი თქმით, “განაჩენის გამოცხადების დროს, საცოდავმა, შვილმკვდარმა დედამ რომ კმაყოფილება გამოხატა, რევაზიშვილმა და გაგნიძემ უკანასკნელი სიტყვებით აგინეს. თურმე, თამუნას, შვილმკვდარ დედას, იმის უფლება არ აქვს, რომ სჯეროდეს, შვილი ვინ მოუკლა და შინაგანად, ერთადერთი შვება იპოვოს იმაში, რომ დამნაშავე დაისაჯა”.
მისი განცხადებით, ის და გიორგი შაქარაშვილის მამა განაჩენის გამოცხადებას სახლში, ტელევიზიით ელოდნენ.
„მას დარბაზში აგინეს მაგ „უდანაშაულოებმა“, ცხოვრებაში რომ ჭიანჭველისთვის ფეხი „არ დაუდგამთ“. გოგომ გამწარებულმა დარეკა, ქმარს ესაუბრებოდა, რომ ორმა ადამიანმა დარბაზში აგინა შვილმკვდარ დედას. აი, ესაა მათი მორალური და სამართლებრივი. სახე ყველამ ნახეთ, რაც იყო“, – აღნიშნა მირიან ნიკოლაძემ.
კომენტარები