„პუტინის და კიმ ჩენ ინის ქორწილიც, რომ აჩვენოთ, თქვენს ტელევიზიებს მაინც არ ჩავრთავ” – ამირან სალუქვაძე

სამხედრო ექსპერტი ამირან სალუქვაძე სოციალური ქსელის საშუალებით, “ნოდარ მელაძის შაბათის” დღევანდელ ანონსეხმიანება, სადაც პრემიერის, ირაკლი ღარიბაშვილისა და ბერა ივანიშვილის ფარულ სატელეფონო ჩანაწერზეა საუბარი.

სალუქვაძე მმართველ გუნდს მიმართავს და საზოგადოების დამშვიდებისკენ მოუწოდებს. როგორც სამხედრო ექსპერტი წერს, ამ სანაგვის ქექვის და სიძულვილის მოსმენის გარდა, სხვა საქმეებიც გვაქვს.

“სულაც რომ პუტინის და კიმ ჩენ ინის ქორწინება აჩვენოთ ექსკლუზიურად, თქვენს ტელევიზიებს მაინც არ ჩავრთავ.

გორსალები დააგოიმეთ, ან გოიმები დააგორსალეთ…

ააგდებენ რაღაც ბოდვას. მიასკდება ყველა, ოპოზიციის მომხრეებიც, ხელისუფლების მხარდამჭერებიც, შუაშისტებიც, ცენტრისტებიც, მარსისტებიც, უცხოპლანეტელებიც…

მერე დამფინანსებლებს წარუდგენენ ფეისბუკის “ლაივებს” და კმაყოფილები არიან.

როგორ ცდილობთ რეიტინგიდან ამოხტომას. არადა, იმედს მეტი რეიტინგი აქვს, ვიდრე შემდეგ 3-4 ტელევიზიას ჯამურად. მიზეზებს არ აანალიზებთ, ისევ იმავე მეთოდებით ცდილობთ. ვერ ხვდებით, რომ არ იღებს საზოგადოება. პირიქით.

პოლიტიკურ შედეგებსაც მაგ სიცრუეებით რომ ვერ აღწევთ, ხომ ხედავთ? ეს არჩევნებმაც დაადასტურა. ქართულ ოცნებას 48% აქვს, დანარჩენ, ბარიერგადალახულ 8 პარტიას, ჯამში 45% (დანარჩენი პროცენტები ბარიერგადაულახავი 40 პარტია და გაბათილებული ბიულეტენებია).

ერთადერთი, რასაც აღწევთ, დამფინანსებლებს აბოლებთ. ამასაც თუ არ გააკეთებთ, დარჩებით დაფინანსების და სამუშაოს გარეშე. რავარი დასაკარგია წამყვანი “ფეისების” მრავალათეულათასიანი ხელფასები?

დამფინანსებლებსაც რომ ჭკუა არ აქვთ?! 8 წელია ამ ტელევიზიების შენახვაში ასეულობით მილიონი (დათვალეთ, ვისაც არ გჯერათ) დოლარი ჰაერში გაისროლეს. ლარებში, ალბათ, მილიარდს დიდი ხანია გასცდნენ.

არ ინტერესდებით საიდან და თან მორალსაც კითხულობთ. თუმცა, კარგად იცით საიდან…
ეუთო ოდირმაც დასვა წერტილი. უკვე ტოტალურ გაყალბებაზე ვეღარ საუბრობენ და ტოტალურ მოსყიდვაზე აქვთ აქცენტი.

ჯერ ერთი, მოსყიდვა არაა გაყალბება. თუმცა დიდი მავნებლობაა და აღმოსაფხვრელია. მეორე, ოპოზიციამ რამდენი დახარჯეთ მოსყიდვაზე? რა გაქვთ სათქმელი ან ახლანდელ, ან ხელისუფლებაში ყოფნის პერიოდზე?

ჰოდა, შედით პარლამენტში და ერთად გამოასწორეთ.

ქართული ოცნების ბრალი რომაა ამდენ სიძულვილს და სიცრუეებს რომ ბედავთ. დააანონსა ერთმა ექს-ჩინოვნიკმა, ბრიუსელში 9 წლის გამოფენას მოგვიწყობენო. თავად გიწვევენ და თქვენც მოუწყვეთ.

შარლ მიშელი წასული არ იყო, მეორე დღეს მონები გეძახეს. მერე ვითომ ტაქტიკა შეცვალეს და ახლა მანქანებიდან გისიგნალებენ, ტელევიზოებით ე.წ. ფარულ ჩანაწერებს გიმონტაჟებენ და ესაა მოლაპარაკებების, დიალოგის რეჟიმი? მიაწოდეთ დღევანდელი ანონსი მიშელს, სხვა დასავლელ პარტნიორებს, რომლებიც აქტიურობენ.

ხელიაუფლებას მოგმართავთ, თქვენ ხართ საზოგადოების დამშვიდებაზე და საერთოდ ყველაფერზე პასუხისმგებლები. თქვენ ხართ ხელისუფლებაში. ჰოდა, თუ ხართ ხელისუფლება, დაამშვიდეთ საზოგადოება. ამ სანაგვის ქექვის და სიძულვილის მოსმენის გარდა, სხვა საქმეებიც გვაქვს.

ბევრჯერ დავწერე და გიმეორებთ – გავიდა ერთი ცხოვრება! ჩვენმა შვილებმაც ამ სანაგვეში უნდა იცხოვრონ?

ცნობისმოყვარეები კი, მორიგი ფშიკისთვის, მიასკდით ტელეეკრანებს!” – წერს სამხედრო ექსპერტი.

ცნობისთვის, “ნოდარ მელაძის შაბათის” დღევანდელ ანონსში პრემიერის, ირაკლი ღარიბაშვილისა და ბერა ივანიშვილის სატელეფონო ჩანაწერზეა საუბარი.