„ერთიანი ნაციონალური მოძრაობის“ წევრი რომან გოცირიძე ფეისბუქის პირად გვერდზე ფოტოს ავრცელებს და წერს.
„ვინ არის ეს ადამიანი, რომელიც ამ ფოტოსურათზეა გამოსახული? კოსმონავტი? – არა, კოვიდდამცავ სამოსელში გამოწყობილი ექიმი? – არა. ეს სერბეთის ახალი პატრიარქია ( სამწუხაროდ, მისი წინამორბედი კორონავირუსით გარდაიცვალა ორი თვის წინ), რომელსაც ხილი და ტკბილეულობა მიაქვს კოვიდკლინიკაში პაციენტების მოსანახულებლად და გასამხნევებლად. მრევლიო იმიტომ არ დავწერე, რომ ვირუსი ყველა კონფესიის ადამიანს ემართება და კლინიკაში პატრიარქი არ დაიწყებდა იმის გამოკითხვას, ვინაა კათოლიკე და ვინ მართლმადიდებელი, ვინ ათეისტი და ვინ აგნოსტიკოსი. კორონობის ჟამს ბევრი საინტერესო და არაორდინალური ( კარგიც და ცუდიც) ამბების მომსწრე გავხდით და ამაზე მშვიდ ვითარებაში ბევრი დაიწერება ალბათ. ეს “სკაფანდრიანი” ფოტო ნამდვილად მოხვდება გამორჩეულ მოვლენათა რიგში“, – წერს რომან გოცირიძე.
კომენტარები