“გირჩის” ერთ-ერთი ლიდერი, იაგო ხვიჩია, “ფორმულას” ეთერში საუბრობს ნიკა მელიას სავარაუდო დაკავების ფაქტზე, თავისივე წერილზე, რომელმაც ოპოზიციაში ვნებათაღელვა გამოიწვია და ოპოზიციის დღევანდელ შეხვედრაზე:
“მე არავისთან არა მაქვს პრეტენზია ერთი ადამიანის გარდა და ეს ერთი ადამიანი არის ნიკა მელიას ქართულის მასწავლებელი. მე კარგი ქართულის მასწავლებელი მყავდა – ბატონი ჭიჭიკო და მაგან დამარწმუნა, რომ მე, როდესაც რაღაცას ვწერ ქართულად, მისი ვერ გაგება, ჩემი პრობლემა არ არის… ნიკა მელიაზე ვერ გავბრაზდები, მას გულწრფელად ჰგონია, რომ ეს მისი მტრის დაწერილი სტატუსია. მისი ქართულის მასწავლებელთან იმიტომ მაქვს პრობლემა, რომ როგორ არ რცხვენია [ნიკა მელიას ქართულის] მასწავლებელს, რომ ასეთ ნიჭიერ მოსწავლეს ქართულად დაწერილი ტექსტიდან, მტრის დაწერილია, თუ მოყვარეს, ამის გაგება არ ასწავლა?! მე მეგონა ნიკა მელია უკეთესი მასწავლებელი ჰყავდა. კიდევ ვის აქვს ქართული მასწავლებლის პრობლემა, დამანახეთ.
ჩემი აზრით, ხელისუფლებას ჰგონია, ამითი ნაციონალურ მოძრაობას დაშლის, დაამცირებს, მაგრამ სინამდვილეში ეს არის მიშას თამაში… ქართულ ოცნებას უტვინობით, აი ამაზე მეტი შეურაცხყოფა როგორ უნდა ვთქვა, ქართული ოცნებას უტვინობით მოსდის.
სამი კითხვა დავუსვით ოპოზიციას:
პირველი, რა ხდება პროპორციულ არჩევნებთან დაკავშირებით.
მეორე შეკითხვა იყო, რა ხდება ნიკა მელიას დაჭერის შემთხვევაში? კითხვა მაქვს, ამ კაცს რომ ვაჭერინებთ და ყველამ ხომ ვიცით, რომ შეგნებულად ვაჭერინებთ და რას ვშვრებით მერე?
და მესამე შეკითხვა იყო, ფასილიტატორებთან რომ ვმტყუნდებით, გაყალბების მტკიცებულებები არა გვაქვს ოპოზიციას, იქნებ მოგვაწოდოთ მასალები, რითიც აპელირებთ… ადგნენ და გავიდნენ…
იქ ისეთი ადამიანები სხედან ერთმანეთთან, ბოკერია და ბურჯანაძე მაგალითად, რომელთა შორის კამათი კი არა, სისხლი დგას, ცოტა ხნის წინ ადამიანების მკვლელობებში ადანაშაულებდნენ ერთმანეთს. ჩვენ გვინდა ამბის გაგება, უკვე გავარკვიეთ, რომ ეს ხალხი იქ შეკრებილია მიშას თამაშისთვის… არ მინდა მე მიშას თამაში…
ოპოზიციამ გადამაგდო, საქმეზე გადამაგდეს, ხელმოწერილზე… ოპოზიცია შევთანხმდით 4 პუნქტზე, მაგრამ ჩვენ ერთი გვაინტერესებდა. ჩვენ ვიყავით ნაციონალური მოძრაობის მეგობრები, ერთმანეთს ვიკითხავდით ყოველდღე.”
ბოლოს იაგო ხვიჩიამ დედაც დაიფიცა, იმის დასამტკიცებლად, რა უთხრა თალაკვაძეს და რა არა.
კომენტარები