“ტაბულას” რედაქტორი და დამფუძნებელი თამარ ჩერგოლეიშვილი სოციალურ ქსელში ქობულეთში მომხდარ ტრაგედიას ეხმაურება:
„აი ეს არის ჯოჯოხეთი და ამ ჯოჯოხეთს უნდა ვებრძოლოთ ქალებიც და კაცებიც! იცით რატომ სცემეს იმ ბიძებმა? საკუთარი მახინჯი “ღირსება” დაიცვეს ასე! ანუ “სახე”, რაც მათ დრომოჭმული და მახინჯი ფასეულობებით მოწამლულმა საზოგადოებამ მიანიჭა. დასაჭერები არიან ბიძები“- წერს ჩერგოლეიშვილი Facebook-ზე.
ქობულეთში 14 წლის გოგოს თვითმკვლელობის შესახებ 10 თებერვალს გახდა ცნობილი.
გარდაცვლილი მოზარდის ბაბუა ამბობს, რომ თვითმკვლელობამდე გოგონაზე ორჯერ იძალადეს.მიოზარდის დედის თქმით, მომხდარის შემდეგ გოგოს ბიძები სასტიკადგაუსწორდნენ.
მისი თვითმკვლელობიდან მეორე დღეს პოლიციამ 1997 წელს დაბადებული მამაკაცი დაკავა. მას თექვსმეტ წელს მიუღწევლ პირთან სექსუალურ კავშირში ედებოდა ბრალი, რაც 7-დან 9 წლამდე პატიმრობას ითვალისწინებს, თუმცა გუშინ ცნობილი გახდა, რომ პროკურატურამ მას ბრალი დაუმძიმა და ახალი ბრალდება თვითმკვლელობამდე მიყვანის ფაქტზეც წარუდგინა.
ცოტა ხნის წინ ბათუმის საქალაქო სასამართლომ 23 წლის ბრალდებულს აღკვეთი ღონისძიების სახით პატიმრობა შეუფარდა.
კომენტარები