“კოკა-კოლა” მიმდინარე წლის ზაფხულში სასმელს ქაღალდის ბოთლებში ჩამოსხამს. ამის შესახებ BBC წერს.
ქაღალდის ბოთლის პროტოტიპი დანიურმა კომპანია Paper Bottle Company-მ შეიმუშავა. მისი საბოლოო მიზანია შექმნას 100%-ით გადამუშავებადი, პლასტმასისგან თავისუფალი ბოთლი.
ამასთან, მნიშვნელოვანია, ბოთლის ტექსტურა საკმარისად ძლიერი იყოს იმისათვის, რომ მისი შემადგენელი ნაწილები სითხეში არ მოხვდეს, რადგან ამან შეიძლება გამოიწვიოს სასმელის გემოს შეცვლა და უსაფრთხოების წესების დარღვევა.
“კოკა-კოლა” პლასტიკური ნარჩენებით გარემოს დაბინძურების მაჩვენებლით მსოფლიოში პირველ ადგილს იკავებს, მეორე ადგილზეა Pepsi, მესამეზე კი Nestle.
კომენტარები