საგარეო საქმეთა მინისტრის დავით ზალკალიანის განცხადებით, გიორგი გახარია პრემიერ-მინისტრის პოსტის დატოვებას არ აპირებს და ამის შესახებ გაკეთებული განცხადებები აბსურდულია.
„იმდენად არასერიოზული და აბსურდული ინფორმაციაა, რომ ამაზე კომენტარის გაკეთება არც ღირს. არავინ არანაირ პოსტს არ ტოვებს.
გიორგი გახარია ხელმძღვანელობს საქართველოს მთავრობას. ის არის მართლაც ძალიან სერიოზული და ღირსეული სახელმწიფო მოღვაწე და პოლიტიკოსი. იგი ახორციელებს ძალიან მნიშვნელოვან რეფორმებს, ყველა მიმართულებით, რომელიც არის ჩვენი ქვეყნისთვის აქტუალური“, – განაცხადა მინისტრმა ბრიფინგზე.
მისი თქმით, „ქართული ოცნება“ ერთიანია როგორც არასდროს.
„ახლა ძალიან საჭიროა ერთიანობა და გუნდი ისეთი ერთიანია, როგორც არასდროს და ამ აბსურდულ განცხადებებზე არ ღირს კომენტარის გაკეთება“, – აღნიშნა დავით ზალკალიანმა.
შეგახსენებთ, რომ ოპოზიციური პარტიების წარმომადგენლებმა გააკეთეს განცხადებები, რომ პრემიერ-მინისტრის პოსტზე გიორგი გახარიას შეცვლა იგეგმება.
კომენტარები