ზაზა გახელაძის გათავისუფლების მოთხოვნით პერმანენტული აქციები გრძელდება. ამჯერად, მოქალაქეები შვეიცარიის საელჩოსთან შეიკრიბნენ, სადაც რუსეთის სექცია ფუნქციონირებს.
ისინი საქართველოს ოკუპირებულ ტერიტორიებზე, ადამიანის უფლებების უხეშ დარღვევებს აპროტესტებენ და სოლიდარობას უცხადებენ საოკუპაციო რეჟიმის ტყვეობაში მყოფ ადამიანებს.
აქციაზე მივიდა დავით ქაცარავაც, რომელიც ითხოვს, რომ ხელისუფლებამ საოკუპაციო რეჟიმის მირ დაკავებული პირები უნდა გამოიხსნას სასწრაფოდ.
აქციის ერთ-ერთი მონაწილე ლევან გახელაძე კი აცხადებს, რომ რუსეთმა ცეცხლის შეწყვეტის ხელშეკრულება დაარღვია და ცეცხლსასროლი იარაღი გამოიყენა.
ზაზა გახელაძის მეუღლის თქმით, დაკავებულს იმედი არ დაუკარგავს და სახლში დაბრუნების იმედი აქვს. როგორც გახელაძის მეუღლე აღნიშნავს ბავშვებს ძალიან უჭირთ რეალობის გააზრება.
ზაზა გახელაძის დედას კი იმედი არ აქვს, რომ გახელაძე გადაწყვეტილების გასაჩივრებას შეძლებს.
“ვისაც ჩვენი დახმარება შეუძლია ყველას მოვუწოდებ, რომ დაგვეხმარონ. საკმარისზე მეტი დრო გაატარა ჩემმა დასახიჩრებულმა და დაჭრილმა შვილმა. იმ ადვოკატს, რომ შეძლებოდა ჩემი შვილის დაცვა საკმაირისი არგუმენტები არსებობდა, მაგრამ ჩემმა შვილმა იქ რანაირად უნდა გაასაჩივროს არ ვიცი,”-აღნიშნა გახელაძის დედამ.
კომენტარები