ზვავის ქვეშ მოყოლილი ადამიანები ძაღლებმა გადაარჩინეს. შემთხვევა შვეიცარიის მთებში მოხდა. ზვავი დასახლებულ ტერიტორიაზე მოულოდნელად ჩამოწვა და ქვეშ ორი ადამიანი მოიყოლა. საბედნიეროდ, ინციდენტის დროს წყვილი ძაღლებთან ერთად სეირნობდა და ოთხფეხა მეგობრებმა დახმარების მოლოდინში ხმამაღალი ყეფა ატეხეს.
ამ დროს მიმდებარე ტერიტორიაზე მოლაშქრეთა ჯგუფი გადაადგილდებოდა და ძაღლებმა მათი ყურადღება მიიქციეს. ახლოს მისვლის შემდეგ ადვილად გასაგები იყო, რომ თოვლის ქვეშ ადამიანები იყვნენ მოყოლილი და მოლაშქრეებმა სასწრაფოდ მათი ამოყვანა დაიწყეს. თან სამაშველო სამსახურიც გამოიძახეს.
„ძაღლებმა ჩვენი ყურადღება მიიქციეს, ისინი ძალიან ხმამაღლა ყეფდნენ და თითქოს საშველად გვიხმობდნენ. ჩვენ არც ისე ახლოს ვიყავით, ამიტომ ინციდენტს ვერ შევესწარით და როდესაც ძაღლებთან მივედით მომხდარი მხოლოდ შემდეგ აღმოვაჩინეთ.“
დაზარალებულები დაუყოვნებლივ საავადმყოფოში გადაიყვნეს და მათი მდგომარეობა ამჟამად სტაბილურია.
კომენტარები