ფოთში მომხდარი მკვლელობის საქმეზე დაკავებული შალვა შალიკაშვილისთვის აღკვეთის ღონისძიების შეფარდებაზე ზუგდიდის რაიონული სასამართლო დღეს იმსჯელებს იმსჯელებს. პროცესი 12:00 საათზეა ჩანიშნული და ის დისტანციურად გაიმართება.
ფოთში, შსს-ის მომსახურების სააგენტოს შენობასთან მომხდარ მკვლელობაზე დაკავებულ შალიკაშვილს სამეგრელო-ზემო სვანეთის სამხარეო პოლიციის მთავარ სამმართველოში ბრალი 6 თებერვალს, 108-ე მუხლით წარედგინა, რაც განზრახ მკვლელობას გულისხმობს.
შალვა შალიკაშვილის ადვოკატის ნუგზარ ტყებუჩავას ინფორმაციით, მისი დაცვის ქვეშ მყოფი ბრალს არ აღიარებს და აცხადებს, რომ გურამ ახალაიას მკვლელობასთან კავშირი არ აქვს. მათ შორის წლების წინ დაწყებული სისხლიანი დაპირისპირება, რა დროსაც შალვა შალიკაშვილის ძმა გია შალიკაშვილი აწამეს და მოკლეს სასამართლოს გზით გარკვეულია.
4 თებერვალს, ფოთში ჭავჭავაძის ქუჩაზე ახალგაზრდა კაცი საკუთარ მანქანაში ჩაცხრილეს. გავრცელებული ინფორმაციით, მკვლელობის მოტივად შურისძიება სახელდება. პოლიციამ სავარაუდო დამნაშავე რამდენიმე წუთში, ცხელ კვალზე დააკავა.
კომენტარები