სავსეა პოლიციით აქაურობა, მე მგონია, რომ ჯარიმებზე წავლენ – რა ხდება რუსთაველზე?

რამდენიმე წუთში დაუმორჩილებლობის აქცია იწყება რუსთაველის ქუჩიდან.

აქციაზეა ზურაბ ჯაფარიძეც, რომელიც მედიასთან ამბობს:

“რესტორნებს უთხრეს შაბათ-კვირას ვერ იმუშავებთო, 21 საათის მერე ვერ იმუშავებთო, აბა, როდის უნდა იმუშაოს რესტორანმა? მასიური დაუმორჩილებლობის შეეშინდათ – დაინახეს, რომ ეს არ არის პარტიების ორგანზიებული პროტესტი. ეს პროტესტი არის იმ ადამიანების, ვისაც ცხოვრება დაუნგრია შეზღუდვებმა და მათი დიდი ნაწილი “ქართული ოცნების” ამომრჩეველიცაა.

მე მგონია რომ ჯარიმებზე წავლენ, სავსეა აქ პოლიციით, ყველა მხარეს, მიწისქვეშა გადასასვლელიც კი სავსეა პოლიციით.

არ შეიძლება რომელიმე მთავრობა ასე ექცეოდეს ხალხს, არ შეიძლება 13 პროცენტით გააღარიბოს ხალხი და ექცეოდეს როგორც მონას, რომელსაც არა აქვს უფლება გამოვიდეს სახლიდან. არ შეიძლება ამისი გამართლება, არანაირი პანდემიით.”