თურქეთში ქმარმა ცოლს ცხელი წყალი გადაასხა

28 წლის ალი აიემ თავის 23 წლის ცოლს, რუკიეს ადუღებული წყალი მას შემდეგ გადაასხა, რაც ქალმა ქმარს საწოლში საუზმე მიართვა. შემთხვევა თურქეთში მოხდა.

ინფორმაციას ამის შესახებ Mirror-ი ავრცელებს.

თურქული მედიის ცნობით, წყვილი 5 წელია დაქორწინებულია.

რუკიე ყვება, რომ მან ქმარს საუზმე საწოლში მიართვა, უნდოდა მისთვის ესიამოვნებინა. თუმცა, როცა ალიმ გაიღვიძა ის გაბრაზებული იყო და ცოლს ყვირილი დაუწყო, რადგან მან გამოძინებაში ხელი შეუშალა.

„მე საუზმე მოვუმზადე და გავაღვიძე. ის ძალიან გაბრაზდა, მეკითხებოდა რატომ გამაღვიძეო და მითხრა, რომ აღარ შემეწუხებინა. ამიტომ გადავწყვიტე ჩემს ქალიშვილთან ერთად მესაუზმა. თუმცა, როცა მან გაიღვიძა კიდევ ცუდ ხასიათზე იყო და მითხრა, რომ განქორწინება უნდოდა. შემდეგ ცხელი წყალი გადამასხა“,- ამბობს ის.

ახლა რუკიე საავადმყოფოში მკურნალობს. მისი მეუღლე კი ციხეშია.