50 საუკეთესო ადგილი დისტანციური მუშაობისთვის 2021 წელს – ამ სახელწოდებით აქვეყნებს სტატიას ვებ-გვერდი bigseventravel.com, სადაც მსოფლიოს 50 ქვეყნის ჩამონათვალში საქართველო მეორე ადგილზეა.
ციფრული ტექნოლოგიების სამყაროში დისტანციურად მუშაობის მოთხოვნა სწრაფი ტემპებით იზრდება. დამოუკიდებლად მუშაობის სურვილი სულ უფრო მეტ ადამიანს უჩნდება და უფრო პოპულარული ხდება. დისტანციურ მუშაობაზე გადასვლას კორონავირუსის პანდემიამ განსაკუთრებით „შეუწყო ხელი“. სწორედ აღნიშნული ფაქტიდან გამომდინარე ვებ-გვერდმა bigseventravel.com-მა შეადგინა 2021 წელს დისტანციური მუშაობისთვის საუკეთესო ქვეყნების ჩამონათვალი, რომელშიც მსოფლიოს 50 ქვეყანაა დასახელებული და მათ შორის საქართველო მეორე ადგილზეა.
2021 წლის დისტანციურად მუშაობისთვის საუკეთესო ქვეყნების ხუთეული ასე გამოიყურება ?:
1. ტალინი, ესტონეთი
ბოლო წლებში ესტონეთმა ახალი ვიზა მიიღო, რომელიც ციფრული ტექნოლოგიების მიმდევრებს ერთი წლის განმავლობაში ქვეყანაში დისტანციურად მუშაობის საშუალებას აძლევს. ესტონეთში ციფრული ეკონომიკა მუდმივად ვითარდება. მომსახურების 99% ხელმისაწვდომია ინტერნეტით 24/7-ზე.
2. თბილისი, საქართველო
ბოლო წლებში საქართველომ დიდი ნაბიჯები გადადგა ციფრული ტექნოლოგიების სამყაროში. თბილისში, მთელი ქალაქის მასშტაბით უამრავი კაფეა, რომელიც დისტანციურად სრულყოფილი მუშაობის შესაძლებლობას იძლევა. აგრეთვე, თბილისში შეხვდებით ადგილებს კოვორქინგისთვის (საერთო სამუშაო სივრცე), როგორიცაა Impact Hub და Lokal.
კორონავირუსის პანდემიის პერიოდში საქართველომ დისტანციური წესით მომუშავე პირებისთვის ციფრული რეზიდენტურის ვიზა დააწესა, რომელიც პანდემიის პერიოდში გადაადგილების შესაძლებლობას იძლევა.
„დისტანციურად საქართველოდან“ ადამიანებს საშუალებას აძლევს, ქვეყანაში დარჩნენ სულ მცირე 180 დღე ან ერთ წლამდე ვადით და თავიანთი სამუშაო აწარმოონ დისტანციურად.
3. ბელგრადი, სერბეთი
საფეხმავლო ქუჩები, კაფეები, მაღაზიები – ახალი ტექნოლოგიებისა და კოვორკინგების სიმრავლე. ეს ისტორიული და კულტურული ცენტრი იდეალურია დისტანციური მუშაობისთვის. 24 მგბტ ინტერნეტზე უპრობლემო წვდომა. ხოლო კოვორქინგის საფასური თვეში 100 დოლარია.
4. ბალი, ინდონეზია
ამ დროში ყველამ იცის, რომ ინდონეზიური პროვინცია ბალი – ეს არის მექა ციფრული ტექნოლოგიების მიმდევრებისთვის, კოვოქრინგისთვის უამრავი სივრცით. ინდონეზია სულ უფრო იმედიანად მიჰყვება ციფრულ მომავალს. ამ პროცესს კი ციფრული მიღებისა და შესაძლებლობების სწრაფად გაფართოებამ შეუწყო ხელი. სწორედ ამიტომ, ბალიზე Wi-Fi პრობლემას იშვიათად წარმოადგენს.
5. ჩიანგ მაი, ტაილანდი
ბოლო ათწლეულების განმავლობაში ჩიანგ მაი ციფრული ტექნოლოგიების მიმდევრებს განსაკუთრებით იზიდავს. ეს იდეალური ადგილია ინტერნეტის მაღალი სიჩქარითა და კივორქინგისთვის განკუთვნილი უამრავი ადგილით.
სხვა ქვეყნების პოზიციები იხილეთ ბმულზე:
კომენტარები