ჯანდაცვის მინისტრის მოადგილემ , თამარ გაბუნიამ , მთავრობის ადმინისტრაციაში გამართულ ბრიფინგზე კორონავირუსის ახალ შტამზე ისაუბრა და აღნიშნა, რომ მოსაზრება, თითქოს კორონავირუსის ახალი შტამი ახალგაზრებს უფრო აზარალებს, დადასტურებული არ არის.
მისი თქმით, ცნობილია მხოლოდ ის, რომ ახალი შტამი უფრო სწრაფად ვრცელდება.
“ერთადერთი, რაც ამ დროისთვის არის ცნობილი, არის ის, რომ ახალი შტამი უფრო სწრაფად ვრცელდება და უფრო მეტი სიფრთხილეა საჭირო, როგორც პირადი დაცვის საშუალებების გამოყენების, ასევე წესების დაცვის კუთხით.
რაც შეეხება იმას, რომელ ჯგუფს უფრო მეტად აზარალებს ეს შტამი, ამ ეტაპისთვის რაიმე დასაბუთებული, მეცნიერული საფუძვლები არ გვაქვს, რომ ვივარაუდოთ – ეს შტამი უფრო მეტად აქტიურად აზარალებს ახალგაზრდა ასაკის მოსახლეობას, გარკვეული ვარაუდი გამოითქვა, თუმცა დადასტურებული არ არის”, – განმარტა გაბუნიამ.
შეგახსენებთ, რომ კორონავირუსის ახალი შტამით ინფიცირების პირველი შემთხვევა საქართველოში გუშინ, 4 იანვარს დადასტურდა.
კომენტარები