“ვირუსი არ დამთავრდება, 2021 წელს ბევრი პრობლემა გვექნება”- ჯანდაცვის ექსპერტების გაფრთხილება

2021 წლის მთავარ გამოწვევად ახალი კორონავირუსი სახელდება – ქართველი ექსპერტრტების თქმით, ვირუსი არ დამთავრებულა.

“ეპიდემიოლოგიურად, კლინიკურად, სოციალურად, ეკონომიკურად, ძალიან მძიმე გამოწვევის წელი იყო, რაც განაპირობა ვირუსის ფართო გავრცელებამ წლის პირველ ნახევარში მკაცრი ლოქდაუნის პირობებში გარკვეულ შედეგებს მივაღწიეთ. თუმცა, შეიძლება ითქვას, თითქმის სრული ფიასკო გვაქვს წლის მეორე ნახევარში, რაზეც მეტყველებს ინფიცირების უზარმაზარი რიცხვები, შემცირებული ეკონომიკა და რაც ყველაზე ტრაგიკულია, საკმაოდ ბევრი გარდაცვლილი პაციენტი. მომავალი წელიც ალბათ გარკვეულ წილად გამოწვევების იქნება, თუმცა, საიმედო ნიშანი არის ვაქცინის შემოსვლა”, – ამბობს ანესთეზიოლოგ-რეანიმატოლოგი, ვახტანგ კალოიანი.

ვატო სურგულაძე ჩაკეტვას ისევ არ ეთანხმება და ამბობს, რომ გამოსახალი არ არის:

სიტუაცია ახლა ოდნავ შეიცვალა, ჩაკეტვების ფონზე და ეს ჩაკეტვები არ არის მიზანშეწონილი. ჩვენ უნდა მიაღწიოთ იგივე სიტუაციას ჩაკეტვებს გარეშე. ამიტომაც, თუ არ შეიცვლება, პრინციპულად არ შეიცვლება მიდგომა, როგორ ვმართავთ ეპიდსიტუაციას, როგორ ვმართავთ სამედიცინო სტრუქტურას, ბევრი პრობლემა გვექნება შემდეგ წელს იმიტომ, რომ ვირუსი არ დამთავრდება” , – ამბობს “ლელოს” წევრი, ვატო სურგულაძე