(ვიდეო) – “ბოდიში უნდა მოგიხადოთ ხარვეზებისთვის” – ნიკა გვარამია

„მთავარი არხის“ გენერალური დირექტორი, ნიკა გვარამია:

„დღეს ეს გადაცემა ჩემს საუკეთესო მეგობარს, გიორგი გაბუნიას უნდა წაეყვანა და შემდეგ ჩემი გადაცემა იქნებოდა, ერთად უნდა დაგვეჯამებია საშინელი წელი. ამ წელმა ბევრი ადამიანი წაგვართვა. ამ წელს წაგვართვეს არჩევანის უფლება. გიორგის და ჩემ უსაყვარლეს მეგობარს დათას და მათ დას ლელას, განგებამ წაართვა დედა, ჯულიეტა ვაშაყმაძე, რომელსაც ისიც ეყოფოდა რომ ასეთი არაჩვეულებრივი შვილების დედაა, მაგრამ საქმე იმაშია, რომ ისინი იყვნენ ჯულიეტა ვაშაყმაძის შვილები და არა პირიქით. დიდი ეპიქა დასრულდა. ის იყო ვარსკვლავი, რჩება ვარსკვლავად და მუდმივად იქნება ვარსკვლავი. ქალი, რომელმაც შექმნა ეპოქა, საბჭოთა დროს შექმნა საკუთარი თავი. მინდა ბოდიში მოგიხადოთ იმ ხარვეზებისთვის, რომელიც აუცილებლად მექნება, ეს გადაცემა ყველაზე მაგარ წამყვანს მიჰყავს, მე ამის არც უნარები მაქვს და არც შესაძლებლობა”