კორონავირუსის ახალი შტამი დიდი ბრიტანეთის შემდეგ, საფრანგეთშიც დაფიქსირდა. ამის შესახებ ინფორმაციას დოიჩე ველე ავრცელებს.
მედიის ინფორმაციით, ინფიცირებული ინგლისიდან საფრანგეთში 19 დეკემბერს ჩავიდა. მას სიმპტომები არ აღენიშნება და სახლში გადის თვითიზოლაციას. საფრანგეთის ჯანდაცვის სამინისტროს ცნობით, ისინი ინფიცირებული პირის კონტაქტებს იკვლევენ.
14 დეკემბერს ინგლისში კორონავირუსის ახალი ვარიანტი დააფიქსირეს. ჯანდაცვის სფეროს წარმომადგენლები აცხადებენ, რომ კორონავირუსის ახალი შტამი 70%-ით უფრო გადამდებია, მაგრამ არაა დამტკიცებული არის თუ არა უფრო მომაკვდინებელი. რამდენიმე ქვეყანამ კორონავირუსის მუტაციური ვარიანტის გამო ბრიტანეთთან საჰაერო მიმოსვლა შეაჩერა, მათ შორის იყო საფრანგეთიც.
21 დეკემბერს კი, საქართველოში ბრიტანეთიდან შემოსული, ან ბოლო 2 კვირაში ბრიტანეთში ნამყოფი პირებისთვის სავალდებულო კარანტინი დაწესდა.
კომენტარები