დღეს, 22 დეკემბერს საქართველოს სახალხო არტისტს, გოგი ქავთარაძეს მახათას მწერალთა და საზოგადო მოღვაწეთა პანთეონში დაკრძალავენ.
80 წლის მსახიობისა და რეჟისორის გარდაცვლების მიზეზი გული აღმოჩნდა. როგორც ჩვენთვის ხდება ცნობილი, გოგი ქავთარაძემ უკანასკნელი დღეეში კლინიკაში გაატარა. ის აპარატზე იყო შეერთებული.
“უკვე ყველაფერი აწუხებდა. იყო ეპიზოდები აპარატი აღარ სჭირდებოდა. ბოლოს უგონო მდგომარეობაში იყო. ალბათ, უფრო გულმა ვერ გაუძლო” – განგვიცხადა ოჯახის ახლობელმა.
გოგი ქავთარაძე სხვადასხვა წლებში იყო ალ. გრიბოედოვის სახელობის, ქუთაისის, სოხუმის, რუსთავის თეატრების დირექტორი და სამხატვრო ხელმძღვანელი. სხვადასხვა თეატრის სცენაზე არაერთი სპექტაკლი დადგა. ნათამაშები აქვს 20-ზე მეტ ფილმში. მისი კინოდებიუტი შედგა მიშა კობახიძის ფილმში – “ქორწილი”.
გახლდათ საქართველოს კინემატოგრაფისტთა შემოქმედებითი კავშირის წევრი. 2012-2016 წლებში იყო საქართველოს მე-8 მოწვევის პარლამენტის წევრი.
კომენტარები