აშშ-ში ერთი კვირის განმავლობაში COVID-19-ით რეკორდული რაოდენობის ბავშვი დაინფიცირდა. ამის შესახებ ამერიკის პედიატრიის აკადემიის მონაცემები მოწმობს.
“აშშ-ში 10-დან 17 დეკემბრამდე პერიოდში კორონავირუსი 182,018 ბავშვს დაუდასტურდა. ეპიდემიის დაწყებიდან ეს ქვეყანაში რეკორდული რიცხვია”, – აღნიშნულია ორგანიზაციის განცხადებაში.
საერთო ჯამში, ამერიკის პედიატრიის აკადემიის მონაცემებით, СOVID-19 აშშ-ში 1,8 მილიონზე მეტ ბავშვს დაუფიქსირდა, რაც შემთხვევათა საერთო რაოდენობის დაახლოებით 12,3%-ია.
ამასთან, ორი კვირის განმავლობაში კორონავირუსით ბავშვთა ინფიცირების რიცხვი 25%-ით გაიზარდა.
კორონავირუსით ინფიცირებისა და სიკვდილიანობის მაჩვენებლით აშშ მსოფლიოში პირველ ადგილზე რჩება.
კომენტარები