კორონავირუსის ეპიდემიის გავრცელების გამო, აზერბაიჯანი რუსეთთან სახმელეთო საზღვარს 2021 წლის 1-ელ მარტამდე დახურავს. ინფორმაციას ამის შესახებ რუსეთში აზერბაიჯანის საელჩო ავრცელებს.
„როგორც რუსეთში, ასევე აზერბაიჯანში კორონავირუსის შემთხვევების მკვეთრი მატებისა და ორივე ქვეყანაში მკაცრი საკარანტინო ზომების დაწესების გათვალისწინებით, რუსეთის ფედერაციასა და აზერბაიჯანის რესპუბლიკას შორის სახმელეთო სახელმწიფო საზღვარი 2021 წლის 1-ელ მარტამდე დაიხურება“, – ნათქვამია რუსეთში აზერბაიჯანის საელჩოს განცხადებაში.
აზერბაიჯანის საელჩოში აღნიშნავენ, რომ რუსეთსა და აზერბაიჯანს შორის სატრანსპორტო მიმოსვლა შენარჩუნდება, ხოლო შეზღუდვა კი მოქალაქეების საზღვარზე გადასვლას შეეხება.
კომენტარები