ჯანდაცვის მინისტრი ეკატერინე ტიკარაძე აცხადებს, რომ მისთვის უცნობია, სურს თუ არა გიორგი გახარიას მისი ხილვა მთავრობაში, მაგრამ ამ საკითხზე მის გადაწყვეტილებას დაემორჩილება. ამის შესახებ მან მთავრობის სხდომის შემდეგ გამართულ ბრიფინგზე განაცხადა.
„რაც შეეხება იმას, ვიქნები თუ არა ახალ მინისტრთა კაბინეტში, მოდით, დაველოდოთ პრემიერ-მინისტრის გადაწყვეტილებას. მე არ ვიცი, სურს თუ არა მას ჩემი ხილვა მთავრობაში, მაგრამ მე დავემორჩილები მის გადაწყვეტილებას“, – განაცხადა ტიკარაძემ.
14 დეკემბერს „ქართულმა ოცნებამ“, ბიძინა ივანიშვილის ხელმოწერით, პარლამენტს პრემიერ-მინისტრობის კანდიდატად გიორგი გახარია წარუდგინა. მთავრობის წევრების დასასახელებლად გიორგი გახარიას 7 დღე აქვს.
კომენტარები