არქეოლოგებმა 100-ზე მეტი აცტეკი კაცის, ქალისა და ბავშვის ნაშთი აღმოაჩინეს. მათი აზრით ისინი „ღმერთებისათვის“ შეწირული, რიტუალებისთვის მოკლული ადამიანები უნდა ყოფილიყვნენ. ინფორმაციას CNN ავრცელებს.
ადამიანთა ნაშთები მეხიკოში, ჰუეი ზომპანტლის აღმოსავლეთით, ტემპლო-მაიორის რესტავრაციის დროს აღმოაჩინეს. ნაპოვნი „თავის ქალების კოშკი“ მზისა და ომის ღმერთის აკლდამაში ინახებოდა, რომლებიც იმ დროისთვის, აცტეკების იმპერიის დედაქალაქის – ტენოჩტიტლანის მთავარი მსხვერპლშესაწირი ადგილი იყო. არქეოლოგთა აზრით, აღმოჩენილი თავის ქალების გარკვეული ნაწილი შეიძლებოდა დატყვევებული მებრძოლების ყოფილიყო, რაზეც მათი კოშკისებური – „გამაფრთხილებითი“ განლაგება მიუთითებდა.
არქეოლოგი რაულ ბარერას თქმით, მიუხედავად იმისა, რომ მათ არ შეუძლიათ ზუსტად თქვან ნაპოვნი თავის ქალებიდან მებრძოლებს რამდენი ეკუთვნოდათ, ზოგიერთი მათგანი მსხვერპლშესაწირად უნდა ყოფილიყო დატყვევებული. „ჩვენ ვიცით, რომ ისინი ღმერთებისთვის ძღვნად აქციეს“ – ამბობს რაული.
უნდა აღინიშნოს ისიც, რომ სამი წლის წინ, ამ ტერიტორიაზე ასობით ადამიანის თავის ქალა ერთხელ უკვე აღმოაჩინეს. მექსიკის ხელისუფლების განცხადებით, ამ არქეოლოგიური გათხრებისას ნაპოვნი ნაშთები, ქვეყნის ისტორიისა და კულტურისათვის ერთ-ერთი უმნიშვნელოვანესია.
კომენტარები