დუშეთის მუნიციალიტეტში, სოფელ ქვეშეთში ამბულატორიის ექიმმა არ იცოდა, რომ კორონავირუსი ჰქონდა და პაციენტებთან სახლში დადიოდა, ინფორაციას ამის შესახებ “პრაიმტაიმი” ავრცელებს”
როგორც ამბობენ, მედიკოსს ვირუსულ ინფექციაზე ტესტი გაკეთებული არ ჰქონდა!
ექიმთან კონტაქტში მყოფი ექთანიც ინფიცირებულია და ექთნის ოჯახის წევრებიც.
ამ დრომდე, აღნიშნულ სოფელში Covid-19 არ დაფიქსირებულა და ეს პანდემიის განმავლობაში პირველი შემთხვევაა. ახლა, ადგილობრივი ექთნის ოჯახი მათთან კონტაქტში მყოფებს აფრთხილებს და თვითიზოლაციაში გადსვლისკენ მოუწოდებს.
„სოფელში ამბულატორიაში სამუშაოდ ექიმი დაინიშნა. მას კორონავირუსზე ტესტი არ ჰქონია გაკეთებული და აქ რომ ჩამოვიდა, უკვე ინფიცირფებული იყო. მაშინ გაიგო, როცა ყნისვისა და გემოს შეგრძნება დაკარგა. მასთან კონტაქტში იყო ამბულატორიის ექთანი. Covid-ი მასაც დაუდასტურდა და მის ოჯახის წევრსაც.
ახლა, ისინი სოფლის მოსახლეობის იმ ნაწილს სთხოვენ თვითიზოლაციაში გადავიდნენ და ყურადღება გამოიჩინონ. თავიდან, ექიმის მოსვლა ძალიან გაგვიხარდა, ვფიქრობდით, ამ ჟამიანობის დროს, პატრონი გვეყოლებოდა და მან „ააფეთქა“ ვირუსი სოფელში, აქამდე ჩვენთან არცერთი შემთხვევა არ იყო დაფიქსირებული.“
„პრაიმტაიმთან“ ქვეშეთის მუნიციპალიტეტის ხელმძღვანელი, თენგიზ ბედოიძე აცხადებს, რომ სოფელში ეპიდემიური ვითარება კონტროლს ექვემდებარება. რაც შეეხება ინფიცირებულ ექიმს, მისი ინფორმაციით, მედიკოსი კლინიკაში იქნა გადაყვანილი.
„დუშეთიდან კვირაში ერთხელ დადიოდა ექიმი სოფელ ქვეშეთში. მას გასულ კვირას დაუდასტურდა კორონავირუსი. ჯანმრთელობის მდგომარეობიდან გამომდინარე, ის კლინიკაში იწვა და უტარდებოდა მკურნალობის კურსი.
ტრანსპორტი არ დადის მოძრაობის შეზღუდვის გამო, ამბულატორიაში ექიმი აღარ დაბრუნებულა. როგორც ამბობენ, ის გამოჯანმრთელდა.“
კომენტარები