კარგი იქნება თუ სახალხო დამცველი გადადგება პროტესტის ნიშნად – არჩილ გამზარდია

ანალიტიკოსი, არჩილ გამზარდია, სოციალურ ქსელში, წერს:

პარლამენტში ოპოზიციური დეპუტატების მხრიდან შეუსვლელობის გაფორმების შემდეგ, “ქართული ოცნების” დიქტატის კიდევ მეტად გასაფორმებლად, განსაკუთრებით საერთაშორისო პარტნიორებთან, კარგი ნაბიჯი იქნება თუ სახალხო დამცველი გადადგება პროტესტის და სწორედ იმის ნიშნად, რომ ერთპარტიულ მმართველობასთან შეუძლებელია ომბუდსმენის მუშაობა.

რამდენადაც ცნობილია, საქართველოს პარლამენტის მხოლოდ უმრავლესობა ვერ აირჩევს ახალ სახალხო დამცველს და სახალხო დამცველის გარეშე სახელმწიფო, ვხვდებით, რასაც ნიშნავს, ეს პირდაპირი დიქტატის კიდევ ერთი, მაგრამ გამორჩეულაც ცხადი დადასტურება იქნება.

საერთაშორისო პარტნიორებისთვის ეს იქნება კიდევ ერთი, ძალიან მნიშვნელოვანი სიგნალი, რომ გააძლიეროს ზეწოლა ხელისუფლებაზე ცესკოს ადმინისტრაციის შესვლით და ვადამდელი არჩევნების დანიშვნის მიზნით.

მე არ ვიცი, რას ფიქრობს ნინო ამის შესახებ, მაგრამ ვფიქრობ, დიქტატის წინააღმდეგ ბრძოლაში ეს მისი მხრიდან მნიშვნელოვანი, გაბედული და სახელმწიფოებრივი ნაბიჯი იქნება.

პ.ს. განმარტება:

სახალხო დამცველის არჩევას, 90 ხმა სჭირდება, მაგრამ ორი კანდიდატი მაინც ხომ უნდა იყოს და ის, რომ ერთი 0 ხმასაც ვერ მიიღებს, იგივეს გააფორმებს, მითუფრო 2 ან 3 ხმა მაინც ხომ უნდა მიიღოს ერთი პარტიის მიერ წარდგენილმა 2-მა კანდიდატმა. ცხადია, მხოლოდ “ქართული ოცნების” მიერ წარდგენილი კანდიდატ(ებ)ი სახალხო დამცველის თანამდებობაზე, უკვე თავისთავად არაკომპრომისული, არამედ ერთმმართველი ფაქტორით იქნება, ნებისმიერ შემთხვევაში ეს კიდევ ერთხელ გაუსვამს ავტორიტარიზმს მუქად ხაზს.”