ამ მაიმუნობაში, ე.წ. მოლაპარაკებებში, მონაწილეობა აღარ უნდა მივიღოთ – გიორგი ბარამიძე

ენმ-ის ერთ-ერთი ლიდერი, გიორგი ბარამიძე, სოციალურ ქსელში, წერს:

“მიმაჩნია რომ, მას შემდეგ რაც მე-4 რაუნდის შემდეგ, ჩვენთვის მთავარ (და დანარჩენი 2-გან განუყოფელ) საკითხებზე მოვისმინეთ რეჟიმის ერთმნიშვნელოვანი უარყოფითი პასუხი, სანამ ივანიშბმვილი იქეთ არ შეგვეხვეწება დავილაპარაკოთ და შევთანხმდეთო (და ამას ყველას, პარტიებისა და ხალხის მთლიანად, ერთიანობა და დიდი თავდადებული ბრძოლა დასჭირდება) ამ მაიმუნობაში რასაც ე.წ. მოლაპარაკებები ქვია, მონწილეობა აღარ უნდა მივიღოთ.

შემდგომი ბრძოლის გეგმა:

1.პარლამენტში არ შევდივართ.

2.ვინარჩუნებთ ოპოზიციის ერთიანობას და ივანიშვილს სანამ არ დანებდება ხალხის ნებას, პოლიტიკურად შიშველს და მარტოს ვტოვებთ.

3.ხელს ვუწყობთ მოღალატე უზურპატორის რეჟიმის წინააღმდეგ მშვიდობიანად საბრძოლველად, შეიქმნას ბევრი დამოუკიდებელი საზოგადოებრივი ორგანიზაცია თუ მოქალაქეთა ჯგუფი, რომლებიც გაიშლებიან მთელი ქვეყნის მასშტაბით და დამოუკიდებლად იმოქმედებენ.

4.მოღალატე უზურპატორი ოლიგარქის მიერ ხელისუფლების და სახელმწიფოს მიტაცების მიზეზით, დამძიმებული პოლიტიკური, ეკონომიკური, სოციალური თუ სხვა კრიზისების პირობებში, ვამხელთ რეჟიმს და მის მავნებლობას ყველა მიმართულებით.

5. რეჟიმის ანტისახელმწიფოებრივ და ანტიდემოკრატიულ ქმედებებზე ჩვენს დასავლელ პარტნიორებს ობიექტურ და ამომწურავ ინფორმაციებს აქტიურად ვაწვდით, რათა გავზარდოთ მათი მხრიდან რეჟიმზე ზეწოლა ოპოზიციის 4 პუნქტიანი მოთხოვნების შესასრულებლად.

6. პანდემიის დასრულებამდე, სხვადასხვა სამოქალაქო ჯგუფი და ორგანიზაციები, აწყობენ პერმანენტულ წერტილოვან, ხანმოკლე ან მუდმივმოქმედ (ორგანიზაციის შესაძლებლობებიდან გამომდინარე) სხვადასხვა ტიპის, მათ შორის რადიკალურ არაძალადობრივ, დაუმორჩილებლობის აქციებს.

7. ვამზადებთ საზოგადოებას, პანდემიის დამთავრების შემდგომ, მასშტაბური არაძალადობრივი, მაგრამ რადიკალური აქციებისთვის და ყველა შესაძლო მომენტს ვიყენებთ მაქსიმალურად მასშტაბური აქციების მოსაწყობად, რათა უზურპატორი ოლიგარქის რეჟიმმა ხალხის მუდმივი წნეხი (ესაა ზემოთ ჩამოთვლილთა შორის ყველაზე მთავარი და გადამწყვეტი ფაქტორი) იგრძნოს.

ამ ყველაფრის გაკეთება ადვილი ცხადია არაა, მაგრამ თუ ყველანი პატიოსნად, გონივრულად და ქვეყნისა და ხალხის წინაშე პასუხისმგებლობით მოვიქცევით, სრულიად შესრულებადია და დარწმუნებული ვარ მოღალატე, უზურპატორი ოლიგარქის რეჟიმი აუცილებლად დამარცხდება და ქართველი ხალხი გაიმარჯვებს.”