“მომჭირნეობის წელია” – ვის დააკლდება ხელფასი? – ნათია თურნავა

ეკონომიკის მინისტრი ნათია თურნავა აცხადებს, რომ 2021 წელიწადი მომჭირნეობის წელი იქნება. ამის შესახებ მინისტრმა „პალიტრას“ ეთერში ისაუბრა.

მისივე თქმით, საჯარო მოხელეებს მომდევნო წელს ხელფასი დააკლდებათ.

„ფული ხელფასებს მოაკლდება პირველ რიგში ყველაზე მეტად. ზოგიერთი ჩვენი კრიტიკოსი ოპოზიციონერი ამბობდა, რომ ბიუჯეტში იზრდება ხელფასები.

თუკი რამე იზრდება, ეს არის მასწავლებელი, ეს არის ჯარისკაცი, ეს არის პოლიციელი. ჩვეულებრივ სახელმწიფო მოხელეს, მთლიანობაში სახელფასო ფონდს აკლდება, მაგრამ გაიზარდა მეწარმეობაზე გასაწევი ხარჯები.

რაც შეეხება სახელფასო ფონდს, ეს მომჭირნეობის წელია“