საქართველოს ჯანდაცვის მინისტრის ეკატერინე ტიკარაძის განცხადებით, მსოფლიო ბანკის პროექტის ფარგლებში საქართველომ 1000 ჟანგბადის კონცენტრატორი მიიღო, რომლის დარიგების პროცესიც დაიწყო.
„ჟანგბადის კონცენტრატორი რეგიონების მიხედვით დარიგდება კლინიკებსა და კოვიდსასტუმროებში, რაც მნიშვნელოვნად აისახება პაციენტების ჯანმრთელობის მდგომარეობაზე“, – განაცხადა ტიკარაძემ.
მისი თქმით, დღეს კოვიდსასტუმროებში მკირნალობს 3 900 მოქალაქე და მიმღეობა სასტუმრო სივრცეებზე მკვეთრადაა გაზრდილი. „პაციენტები იქ გადიან მკურნალობას და ეს აღარაა გარკვეული უთანხმოების საფუძევლი“, – აღნიშნა ტიკარაძემ.
ამ დროისთვის ქვეყანაში კორონავირუსის 169649 შემთხვევაა დადასტურებული. გამოჯანმრთელებულთა რაოდენობა 141 392-ს შეადგენს. გარდაიცვალა 1 576 მოქალაქე.
კარანტინის რეჟიმშია 1186 მოქალაქე, სტაციონარში მეთვალყურეობის ქვეშ 6829 პაციენტი. კოვიდ-სასტუმროში 3759 ადამიანი იმყოფება.
კომენტარები