არჩევნებიდან ერთი თვის შემდეგ ნაძალადევის საოლქო საარჩევნო კომისიის თავჯდომარემ, ოთარ ბიწაძემაც დატოვა თანამდებობა .კომისიის წევრები ირწმუნებიან, რომ ის პოსტიდან პირადი განცხადების საფუძველზე წავიდა, თუმცა “მთავარის” ინფორმაციით, ბიწაძეს მაღალჩინოსნებთან დაპირისპირება ჰქონდა.
ნაძალადევის საოლქო კომისიის მდივანი, სოფო მაქაშავიძე, ინფორმაციას არ ადასტურებს და ირწმნება, რომ მან თანამდებობა ხელშეკრულების საფუძველზე დატოვა. თავად ოთარ ბიწაძეს რამდენიმე დღეა ტელეფონი გამორთული აქვს.
“ზუსტი მიზეზი თავისი პირადი გადაწყვეტილებაა და მას ჰკითხეთ თვითონ. ამ თემასთან დაკავშირებით ჩვენ საუბარი არ გვქონია. გადაწყვეტილილ ჰქონდა, რომ უნდოდა წასვლა და სამსახურს იცვლის თუ რა ხდება არ ვიცი. ხელფასების დარიგება ჯერ კიდევ მიმდინარეობს შესაბამისად, როგორ შეიძლება რამე დარღვევა იყოს ჯერაც არ დასრულებულა”, – ამბობს სოფო მიქაშავიძე.
შეგახსენებთ, რომ არჩევნების შემდეგ ცესკო სხვა თანამშრომლებმაც დატოვეს. ბოლო, ვინც მსგავსი გადაწყვეტილება მიიღო უწყების პრესსპიკერი, ანა მიქელაძეა. მიქელაძემ თანამდებობა 1 დეკემბერს დატოვა.
კომენტარები