მოსკოვში დღეს მოსახლეობის მასობრივი კოვიდვაქცინაცია იწყება. მომავალ კვირას Covid19 -ის საწინააღმდეგო ვაქცინით რუსეთის რეგიონების მოსახლეობა აიცრება. ამის შესახებ BBC იუწყება.
რუსული წარმოების ვაქცინით, Sputnik V აცრების დაწყების შესახებ 2 დეკემბერს რუსეთის პრეზიდენტმა ვლადიმერ პუტინმა განაცხადა. მან შესაბამისი განკარგულება ვიცე-პრემიერს ტატიანა გოლიკოვას მისცა.
კორონავირუსის საწინააღმდეგო ვაქცინა Sputnik V გამალეის სახელობის სამეცნიერო-კვლევით ინსტიტუტში შექმნეს. როგორც ცენტრის დირექტორმა ალექსანდრე გინცბურგმა განაცხადა, მასობრივი ვაქცინაცია 2021 წლის იანვარ-სექტემბერში იქნება შესაძლებელი, როდესაც ამ ვაქცინის რამდენიმე მილიონი დოზა იქნება წარმოებული.
რამდენიმე დღის წინ დიდმა ბრიტანეთმა კომპანია Pfizer-ის ვაქცინა ოფიციალურად დაარეგისტრირა. დიდ ბრიტანეთში ვაქცინაციის დაწყება მომავალი კვირიდან იგეგმება. აშშ-ში ეს პროცესი 11 დეკემბრის შემდეგ დაიწყება.
კომენტარები