“გაზში ხომ ფეხი მოიკიდეს, ახლა დენის ხელში ჩაგდების გეგმა აამუშავეს, კარის ბიზნესმენებმა…” – რომან გოცირიძე

ენმ-ის ერთ-ერთი ლიდერი, რომან გოცირიძე, სოციალურ ქსელში, წერს:

“კომერციული სექტორისათვის გაზის ფასი 24 თეთრით გაიზარდა, რაც ერთბაშად 28 პროცენტიან მატებას ნიშნავს. ეს უმძიმეს დღეში ჩააგდებს ბიზნესს. ვინ გაზარდა გაზის საფასური? ხელისუფლების კარის ბიზნესმენმა.

თბილისის გაზის სისტემას, სანამ ყაზახებისგან სახელისუფლებო კლანს გადეცემოდა, ჩამოეწერა ბიუჯეტის წინაშე არსებული დავალიანება 100 მილიონი ლარის ოდენობით. ასე გასუფთავებულ-გაკრიალებული ბიზნესი გადაიბარეს, პატარა პაუზა გააკეთეს, მორჩა არჩევნები და აიშვეს.

გაზში ხომ ფეხი მოიკიდეს, ახლა დენის ხელში ჩაგდების გეგმა აამუშავეს. იმავე ბიზნესმენმა ახლახან სპეციალურად, წინასწარ მისთვის გამოცხადებულ აუქციონზე იყიდა სახელმწიფოს ხელში არსებული ”თელასის” წილის 25 პროცენტი, რა თქმა უნდა, შორსმიმავალი მიზნებით. ესაა კლანური მმართველობის შედეგი: აზიანებს ბიზნეს და აღარიბებს ხალხს.”