ფრანგ ქირურგს, რომელიც ბრალდებულია 300-მდე ბავშვთან სექსუალურად ძალადობრივი ურთიერთობის დამყარებაში, 15 წლით თავისუფლების აღკვეთა მიუსაჯეს. 70 წლის ჟოელ ლე სკუარნეკი სასამართლომ არასრულწლოვნების გაუპატიურებისა და სექსუალური ძალადობის მუხლით დამნაშავედ სცნო. გამომძიებელთა თქმით, 1986-იდან 2014 წლამდე 312 მსხვერპლის ჩვენება არსებობს, რომლებიც გახდნენ აღნიშული ექიმის მოძალადეობრივი ურთიერთობის სამიზნეები და მსხვერპლები. ამის შესახებ წერს DAILYMAIL-ი
გამოძიების შედეგად, აღმოჩენილ იქნა ქირურგის დღიურები, რომლებშიც დეტალურად იყო აღწერილი სექსუალური სცენები ბავშვებთან.
4 დაზარალებული პაციენტის ჩვენებიდან ერთ-ერთი 4 წლის იყო, რომელსაც უშუალოდ პედოფილი ქირურგი მკურნალობდა. განაჩენის გამოტანისთანავე ერთ-ერთმა დაზარალებულმა, ფრანჩესკა სატამ აღნიშნა, რომ ეს სამართლიანი გადაწყვეტილება იყო მოძალადის მიმართ.
პოლიციამ ქირურგის პირადი ნივთიებისა და სახლების დათვალიერების შემდეგ აგრეთვე უპოვა გარყვნილების ამსახველი 300 000-მდე ფოტო, რომელთა შორის ის ორი ფოტო-სურათიც იყო, რომლებზეც ასახულნი იყვნენ ჩვენების მიმცემი დაზარალებული გოგოები.
გამომძიებლებმა აღნიშნეს, რომ ქირურგი მაშინ ამყარებდა სექსუალურ ურთიერთობას თავის მსხვერპლთან, როდესაც ისინი საავადმყოფოს ოთახებში მარტო აღმოჩნდებოდნენ.
წყარო – ნიუპოსტი
კომენტარები