ღამის 12 საათზე, კომენდანტის საათის დროს, თბილისში მცხოვრებ კანადის მოქალაქეს რამდენიმე პირი თავს ნაქირავებ ბინაში შეუვარდა. ახალგაზრდა კაცი სასტიკად სცემეს და გაძარცვეს. თავის მძიმე დაზიანების შემდეგ გონზე მოსულმა აღმოაჩინა, რომ მთელი ფული წაღებული იყო.
დაზარალებული ყვება, რომ თავდამსხმელებს შორის მისი მეზობელი ამოიცნო. თავდამსხმელებმა კანადის მოქალაქის ცემა მხოლოდ მეზობელი ქალის ყვირილის შემდეგ შეწყვიტეს.
დაზარალებული “მთავარ არხს” უყვება, რომ ეს პირველი შემთხვევა არ იყო. მეზობელი ნ. ო. მას სისტემატიურად ავიწროებდა და ფულს სძალავდა. ამის შესახებ ინფორმაცია პოლიციასაც არაერთხელ მიაწოდა, თუმცა რეაგირება არავის მოუხდენია. ნ. ო-ს მხრიდან შევიწროების ფაქტს ადასტურებენ მისი ოჯახის წევრებიც.
მიუხედავად იმისა, რომ ფაქტს ჰყავს არაერთი მოწმე, მათ შორის მეზობლები, პოლიცია ამ დრომდე დუმს. მთავარი ნივთმტკიცება – ლითონის ჯოხი, რომლითაც დაზარალებულს თავი გაუტეხეს, სამართალდამცავებმა დაზარალებულს სახლში დაუტოვეს.
შესაბამისად, მასზე არის თუ არა ანაბეჭდი, ან დნმ-ი ამ დრომდე უცნობია!
კომენტარები