“პოლიტიკური პროცესიც უნდა დაემორჩილოს…” – რას უნდა დაემორჩილოს ოპოზიცია?

პოლიტიკური პროცესიც უნდა ემორჩილებოდეს პანდემიის მართვას, – ამის შესახებ ამირან გამყრელიძემ საკოორდინაციო საბჭოს სხდომის შემდეგ, ბრიფინგზე განაცხადა.

„პოლიტიკური პროცესიც უნდა ემორჩილებოდეს პანდემიის მართვას, რადგან სერიოზული პანდემიის წინაშეა მთელი მსოფლიო. სერიოზული ზრდა გვაქვს ქეყანაში. ამის შესაჩერებლად არსებობს რამდენიმე მიდგომა. ერთ-ერთია ის შემზღუდველი ღონისძიებები, რაც ქვეყანამ დააწესა. დაწესება ერთია და მისი აღსრულება – მეორე. თუ მას არ აღვასრულებთ და თითოეული ადამიანი არ გავითავისებთ, რომ ჩვენ უნდა დავიცვათ ის რეკომენდაციები, რომელსაც გვეუბნებიან, ისე არაფერი გამოვა. პარალელურად შემთხვევები ადრეულად უნდა გამოვლინდეს, პირველად ჯანდაცვასა და ჰოსპიტალურ სექტორში მათი მართვა. ამ ყოველივეს ერთობლიობა, თუ ამას კარგად შევასრულებთ, 3-4 კვირის განმავლობაში მოგვცემს შედეგს და ახალი შემთხვევები თანდათან შემცირდება“, – განაცხადა გამყრელიძემ.

“ალია” შეგახსენებთ, რომ აქციები, არსებული რეგულაციებით დასაშვებია ქვეყანაში, ამირან გამყრელიძემ, განაცხადა, რომ პოლიტიკური პროცესების გამო, მკაცრ შეზღუდვებს ვერ დააწესებენ, ხოლო, პრემიერმა კი ბრძანა, რომ გამოხატვის თავისუფლებას, ვერ შეზღუდავს.