გამოიყენა “რემდესივირი” და შედეგი არის – გამყრელიძე

ამირან გამყრელიძის ინფორმაციით ჯანდაცვის სამინისტროს აქვს ხელშეკრულება გაფორმებული იმ კომპანიასთან, რომელმაც “რემდესივირის” შემოტანა უნდა უზრუნველყოს.

“რემდესივირი, როგორც მე ვიცი, გაფორმებული აქვს ჯანდაცვის სამინისტროს ხელშეკრულება ერთერთ წამყვან კომპანიასთან და სულ მალე უნდა იყოს ქვეყანაში გამოსაყენებლად. რემდესივირი არ არის ყოვედღიური ხმარების წამალი- იხმარება ექიმის დანიშნულებით, შესაბამისი ჩვენებებით კლინიკებში და არა ამბულატორიებში” – თქვა დაავადებათა კონტროლის ეროვნული ცენტრის დირექტორმა. 

გამყრელიძისვე თქმით, რემდესივირთან დაკავშირებით დაბეჯითებით თქმა არაფრის შეიძლება, მხოლოდ ის, რომ “მსოფლიო ჯანდაცვის ორგანიზაციიდან იყო რეკომენდაცია, რომ რამდენიმე კვლევის მიხედვით, თითქოს მან არ მისცა სტატისტიკურ-ვალიდური შედეგი, მაგრამ ძალიან ბევრი კლინიკა დღესაც, ქვეყანაც, იყენებს რემდესივირს”.

აქვე დაავადებათა კონტროლის ეროვნული ცენტრის ხელმძღვანელი ამბობს, რომ ამ პრეპარატს დადებითი შედეგი აქვს თენგიზ ცერცვაძის შემთხვევაში. “გამოიყენა ეს პრეპარატი და შედეგი არის”