დღეს დილიდან ბათუმის ერთ-ერთ ფიტნეს კლუბში არეულობაა. კლუბის დირექტორმა გიორგი ფუტკარაძემ განაცხადა, რომ ის რეგულაციებს არ დაემორჩილება და კომპანიას არ დახურავს. რეგულაციების დარღვევის გამო, ფიტნეს კლუბი დააჯარიმეს.
პოლიტიკური პარტია „გირჩის“ ლიდერმა, ზურა ჯაფარიძე აღნიშნული ფიტნეს კლუბი სახლად იქირავა. ის ამბობს, რომ არ აამუშავებს გადახდის აპარატს და იქ იცხოვრებს, სადაც ყველას ეპატიჟება.
„ასეთ რაღაცას ვაკეთებთ. ზეპირ ხელშეკრულებას ვდებთ, რისი უფლებაც გვაქვს, ვქირაობ მთელ ამ დარბაზს ჩემს საცხოვრებელ სახლად. ბათუმში მექნება, სანამ ეს რეგულაცია არსებობს, საცხოვრებელი სახლი. აქ არის სავარჯიშო ინვენტარი, რომელსაც აქირავებენ ფართთან ერთად და ნებისმიერ ადამიანს, რომელიც ახლომახლო ვარჯიშობს, შეუძლია, ჩემთან სახლში სტუმრად მოვიდეს და ივარჯიშოს“, – აცხადებს ჯაფარიძე.
ამის შემდეგ კლუბში პოლიცია კვლავ შეიჭრა.
რამდენიმე საათის განმავლობაში ადგილზე საგამოძიებო სამუშაობი მიმდინარეობდა. ტერიტორიას პოლიციელები აკონტროლებდნენ. იხილეთ ზურაბ ჯაფარიძის მიერ გავრცელებული ვიდეო, სათაურით:
“ანტიტერორისტული ოპერაცია ფიტნეს ცენტრში”
კომენტარები