ჟურნალისტი, ნინო ჯანგირაშვილი, სოციალურ ქსელში, წერს:
“გამოვდივარ მოთხოვნით საბიუჯეტო ორგანიზაციებში (მათ შორის ხელისუფლების წევრების, მათი მოადგილეების, პიარების და ა.შ.) მაქსიმალური ხელფასი უახლოესი 6 თვის მანძილზე იყოს 1000 ლარი.
თუ ხელისუფლება თვლის, რომ უმუშევრად დარჩენილმა ადამიანმა შეიძლება იარსებოს 200 ლარით, მრავალშვილიანმა ოჯახმა 100 ლარიანი შემწეობებით, გაჩერებულმა ბიზნესმა შეიძლება მაინც იხადოს გადასახადები და გადარჩეს, რატომ არ შეიძლება საბიუჯეტო ორგანიზაციებში ხელფასი შეიზღუდოს და ჩვენი გადახდილი გადასახადები დაიზოგოს? თუ გაჭირვებაა, ყველამ ერთად გავიჭირვოთ. გთავაზობთ შევქმნათ პეტიცია და შევაგროვოთ ხელმოწერები.
P.S. არ ვხუმრობ, სერიოზულად ვამბობ. ჩვენმა ღლიცინმა მიგვიყვანა აქამდე.”
მოგვიანებით, ნინო ჯანგირაშვილი ”დღის სტუმარში” საუბრისას, ამბობს:
“ეს ციფრები არ არის ჰაერიდან მოტანილი. ბიზნესი ვეღარ იხდის, გაჩერებულია, საიდან უნდა მოვიდეს ეკონომიკური ზრდა და საიდან უნდა შევიდეს ბიჯეტში ფული? ბიზნესი აღარ არსებობს და რა გამოდის? ჩვენ მაინც უნდა ამოგვაძრონ როგორმე ეს ფული და უნდა ვუხადოთ მინისტრის მოადგილეს 5 ათასი ლარი, 6 ათასი ლარი, კალაძის პიარში 55 კაცი რომ ჰყავს დასაქმებული მათ უნდა ვუხადოთ 5 ათასი ლარი, გახარიას პიარში დასაქმებულებს, კანცელარიაში დასაქმებულებს…
მე არ ვამბობ საშუალო და დაბალ რგოლზე, ვისზეც ყველაზე მეტი შრომა გადადის და უსამართლოდ ყველაზე დაბალი ანაზღაურება აქვთ. მე ვამბობ, ვისაც აქვს 1150 ლარზე მაღალი ხელფასი, მას შეუმცირდეს.
დეპუტატებმაც, მინისტრებმაც, მათმა მოადგილეებმაც, მთელმა ბიუროკრატიამ, სიპებმა, აიპებმა “ოცნების პარტაქტივმა” რომელიც იღებს 2 ათს, 3 ათას, 4 ათას ლარს, შეიმციროს ეს ხელფასი, მერწმუნეთ დიდი სხვაობა გვექნება და დიდი თანხა დაგვრჩება ჯანდაცვის ბიუჯეტს მაინც მოემატება ეს თანხა”
კომენტარები