Covid-19-ის პირველი შემთხვევის გამოვლენიდან უკვე ერთი წელი გავიდა და ამ დროის განმავლობაში, დაინფიცირდა და გარდაიცვალა მილიონობით ადამიანი, თუმცა, თუ ოფიციალურ მონაცემებს ჩავხედავთ, აღმოვაჩენთ, რომ მსოფლიოში ჯერ კიდევ არის ისეთი ადგილები, სადაც კორონავირუსის არც ერთი შემთხვევა არაა დაფიქსირებული.
ადგილები, სადაც ოფიციალური მონაცემების მიხედვით, კორონავირუსის არც ერთი შემთხვევა არ გამოვლენილა, თუ ყურადღებით დააკვირდებით, ექვსივე მათგანი წყნარ ოკეანეში მდებარეობს:
- პალაუ – აშშ-თან ასოცირებული კუნძულოვანი სახელმწიფო წყნარ ოკეანეში, ფილიპინის ზღვაში.
2. ნაურუს რესპუბლიკა, ასევე, ცნობილია როგორც „სიამოვნების კუნძული“) — ჯუჯა კუნძული-რესპუბლიკა იმავე დასახელების მარჯნის კუნძულზე წყნარი ოკეანის დასავლეთ ნაწილში.
3. ტუვალუ – წარსულში ცნობილი როგორც ელისის კუნძულები – სახელმწიფო წყნარ ოკეანეში, პოლინეზიის რეგიონში,
4. მიკრონეზია – მიკრონეზია – კუნძულების ჯგუფების ერთობლიობა წყნარ ოკეანეში.
5. ტონგა – ოფიციალური სახელწოდება ტონგის სამეფო, სახელმწიფო-არქიპელაგი წყნარი ოკეანის სამხრეთ-დასავლეთ ნაწილში
6. რესპუბლიკა კირიბატი, წყნარი ოკეანის სახელმწიფო
როგორც BBC წერს, ამ ადგილებში პანდემიის ადრეულ ეტაპზევე გამოაცხადეს კარანტინი, ჩაკეტეს საზღვრები და მიუხედავად იმისა, რომ ამ დრომდე ვირუსი გამოვლენილი არ არის, დღემდე მკაცრი რეჟიმის პირობებში ცხოვრობენ. მაგალითად, პალაუში საზღვრები მარტის ბოლოს ჩაკეტეს, დაიკეტა მაღაზიები, რესტორნები, გამოცხადდა კარანტინი. საზღვრები დღემდე ჩაკეტილი რჩება და სწორედ ამიტომ, ქვეყანაში ეკონომიკური სიდუხჭირე კიდევ უფრო გამძაფრებულია.
ამასთან, აღსანიშნავია კიდევ ორი ქვეყანა, სადაც ოფიციალურად ამ დრომდე ვირუსის არც ერთი შემთხვევა არაა გამოვლენილი, ეს ქვეყნებია ჩრდილოეთ კორეა და თურქმენეთი. თუმცა მკვლევართა აზრით, ისინი მალავენ რეალურ სურათს და სინამდვილეში შესაძლოა, პირიქით, ორივე მათგანში ურთულესი ეპიდემიოლოგიური ვითარება იყოს.
კომენტარები