რა გავლენა ექნება საქართველოზე ყარაბაღის შეთანხმებას

სომხეთის პრემიერ-მინისტრმა ნიკოლ ფაშინიანმა, რუსეთისა და აზერბაიჯანის პრეზიდენტებთან ვლადიმერ პუტინთან და ილჰამ ალიევთან ერთად, მთიან ყარაბაღში შეთანხმებას საბრძოლო მოქმედებების შეწყვეტის შესახებ ხელი მოაწერა.

ამ შეთანხმების თანახმად, ყარაბაღის შვიდი რაიონი აზერბაიჯანის კონტროლქვეშ გადადის. შეთანხმებას სომხეთის მოსახლეობის დიდმა ნაწილმა კაპიტულაცია უწოდა და ფაშინიანის მთავრობას დემონსტრაციებით უპასუხა. საქმე იქამდეც მივიდა, რომ დემონსტრანტები თავს დაესხნენ სომხეთის პარლამენტის თავმჯდომარეს, რომელსაც საკმაოდ მძიმე დაზიანებები მიაყენეს.

ანალიტიკოსი ნიკა ჩიტაძე ამბობს, რომ ამ შეთანხმებით რუსეთი და თურქეთი კავკასიაში პოზიციებს კიდევ უფრო მეტად იმყარებენ.

„ყარაბაღის შეთანხმების თანახმად, შვიდი რაიონი გადადის აზერაიჯანის კონტროლქვეშ. ყარაბაღის რეგონში განთავსებული იქნება, დაახლოებით, 1960 კაცინი რუსული კონტიენტი, 90 ჯავშან-ტრანსპორტიორი და 390 სამხედრო მანქანა.

ასევე, იქ იქნება მონიტორინგის ჯგუფი, სადაც შევლენ, როგორიც რუსი, ასევე თურქი დამკვირვებელები. ამით რა ხდება? – რუსეთი და თურქეთი იმყარებენ პოზიციებს კავკასიაში, დასავლეთის პოზიციების შესუსტების ხარჯზე.

ამ შეთანხმების თანახმად, აზერბაიჯანი მოიპოვებს უფლებას, ისარგებლოს სომხეთის ტერიტორიით, რათა დაუკავშირდეს ნახჭევანის ავტონომიურ რესპუბლიკას. იმ შემთხვევაში, თუ აზებაიჯანს ნახჭევანთან კავშირი ექნება, აზერბაიჯანის ცენტრალური რაიონები თურქეთს დაუკავშრდებიან, რაც აზერაიჯანისთვის ძალიან კარგი მდგომარეობაა, ეს არის ამ შეთანმხების მთავარი პირობები“,- განაცხადა ჩიტაძემ.

რა გავლენა ექნება საქართველოზე ყარაბაღის შეთანხმებას 

როგორც ჩიტაძემ განაცხადა, ეს შეთანხმება საქართველოს მეტწილად არ აზიანებს, თუმცა ყველაზე უარყოფითი ფაქტორი ის არის, რომ რუსეთი კავკასიაში პოზიციებს კიდევ ერთხელ იმყარებს.

“პირველი, რუსეთმა მოიპოვეა ექსკლუზიური უფლება, განიმტკიცეს პოზიციები ყარაბაღში სამშვიდობოების განლაგებით, თითქოს რუსეთია რეგიონში მთავარი მშვიდობისმყოფელი, ეს მოცემულობა, რა თქმა უნდა, ჩვენთვის მიუღებელია და გარკვეულწილად, საქართველოს პოზიციებს ასუსტებს.

გარდა ამისა, არ არის გამორიცხული, სხვა ფარული შეთანხმებაც იყოს ქვეყნებს შორის მიღებული, მაგალითად, ენერგეტიკულ პროექტებთან დაკავშირებით, შესაძლებელია, რუსეთსა და თურქეთს შორის არსებობდეს შეთნხმება, რომ რუსეთის მიერ ყარაბაღის აზერბაიჯანის შემაგენლობაში აღიარების სანაცვლოდ, თურქეთმა შეისყიდოს რუსეთისგან ბუნებრივი აირის მოცულება, რაც საქართველოსთვის მინუსი იქნება.

თუმცა ამ შეთანხმებაში საქართველოსთვის დადებითი ის არის, რომ შეიქმნება წინაპირობა იმისა, რომ საქართველოს, სომხეთსა და აზაებაიჯანს შორის არსებობდეს თანამშრომლობა სხვადასხვა ეკონომიკურ-სატრანსპორტო საკითხზე.

ომის დიდი ხნის განმავლობაში გაწელვა საქართველოს არ წყობდა, რადგან ეს შეაფერხებდება სატრანსპორო და ენერგეტიკული პროეტების განხორციელებას აზერბაიჯანის, საქართველოსა და თურქეთის მონაწილეობით“, – განაცხადა ჩიტაძემ.

ცნობისთვის: ყარაბაღის შეთახმებას ხელი გუშინ მოეწერა.

primetime.ge