კორონავირუსით გარდაცვალების 34 შემთხვევიდან შვიდი აჭარაში დაფიქსირდა. აჭარის ჯანდაცვის სამინისტროს ინფორმაციით, სამი პაციენტი ბათუმის რესპუბლიკურ საავადმყოფოში გარდაიცვალა, ორი საერთაშორისო ჰოსპიტალში, ერთი სამედიცინო ცენტრში, ერთი კი კლინიკა „მედცენტრში“. გარდაცვლილთა ასაკი 46-დან 81 წელია.
აჭარის ჯანდაცვის სამინისტრო გარდაცვლილთა სამედიცინო ისტორიას აქვეყნებს.
„ბათუმის რესპუბლიკურ საავადმყოფოში 75 წლის კოვიდინფიცირებული მამაკაცი გარდაიცვალა, რომელიც კლინიკაში 6 ნოემბერს შეიყვანეს. დიაგნოზი/ანამნეზი: „კოვიდ-19“, მწვავე პნევმონია, სუნთქვის მწვავე უკმარისობა, შაქრიანი დიაბეტი.
რესპუბლიკურ საავადმყოფოში გარდაიცვალა კიდევ ერთი პაციენტი – 81 წლის მამაკაცი, რომელიც კლინიკაში 27 ოქტომბერს შეიყვანეს. დიაგნოზი/ანამნეზი: „კოვიდ-19“, მწვავე პნევმონია, სუნთქვის მწვავე უკმარისობა, რესპირაციული დისტრეს სინდრომი, გულის ქრ. უკმარისობა, ესენციური ჰიპერტენზია.
ბათუმის რესპუბლიკურ საავადმყოფოში გარდაცვლილი მესამე პაციენტი – 74 წლის ქალი კლინიკაში 2 ნოემბერს შეიყვანეს. დიაგნოზი/ანამნეზი: „კოვიდ-19“, მწვავე პნევმონია, სუნთქვის მწვავე უკმარისობა, რესპირაციული დისტრეს სინდრომი, გულის ათეროსკლეროზული დაავადება, ქულის ქრ. უკმარისობა, შაქრიანი დიაბეტი, ჭარბი წონა.
ბათუმის საერთაშორისო ჰოსპიტალში გარდაიცვალა 46 წლის მამაკაცი. პაციენტი კლინიკაში 6 ნოემბერს შეიყვანეს. დიაგნოზი/ანამნეზი: „კოვიდ-19“, მწვავე პნევმონია, სუნთქვის მწვავე უკმარისობა. მოზრდილთა დისტრეს სინდრომი, შაქრიანი დიაბეტი, ინსულინდამოკიებული, თირკმლის მწვავე უკმარისობა. ამავე ჰოსპიტალში გარდაიცვალა მეორე პაციენტი – 79 წლის ქალი კლინიკაში 18 ოქტომბერს შეიყვანეს. დიაგნოზი/ანამნეზი: „კოვიდ-19“, მწვავე პნევმონია, სუნთქვის მწვავე უკმარისობა. ასთმა ესენციური ჰიპერტენზია.
„მედცენტრში“ გარდაიცვალა 66 წლის ქალი, რომელიც კლინიკაში 3 ნოემბერს შეიყვანეს. დიაგნოზი/ანამნეზი: „კოვიდ-19“, მწვავე პნევმონია, ორმხრივი პნევმონია,სუნთქვის მწვავე უკმარისობა, თავის ტვინის ინფარქტი, ცერებრული შეშუპება, კომა დაუზუსტებელი, მარცხენა პარკუჭოვანი უკმარისობა. არტერიული ჰიპერტენზია,ინსულინდამოუკიდებელი შაქრიანი დიაბეტი, გულის ქრ.უკმარისობა.
ბათუმის სამედიცინო ცენტრში გარდაიცვალა 79 წლის ქალი, რომელიც კლინიკაში 3 ნოემბერს შეიყვანეს. დიაგნოზი/ანამნეზი: „კოვიდ-19“, მწვავე პნევმონია, სუნთქვის მწვავე უკმარისობა, ასთმა ესენციური ჰიპერტენზია“,- აღნიშნულია აჭარის ჯანდაცვის სამინისტროს ინფორმაციაში.
კომენტარები