კოვიდინფიცირებულ პრემიერ-მინისტრ გიორგი გახარიას, სავარაუდოდ, კონტაქტი ჰქონდა “ქართული ოცნების” ლიდერთან, ბიძინა ივანიშვილთან. გადადო თუ არა ინფექცია კოვიდდადებითმა გახარიამ ივანიშვილს?! როგორც ყოფილი ჟურნალისტი და მთაწმინდა კრწანისის ოლქში „ევროპული საქართველოს“ მაჟორიტარობის კანდიდატის, შალვა შავგულიძის მეუღლე, ლუბა ელიაშვილი სოციალურ ქსელში წერს, გახარიას პირბადის, როგორც დამცავი მექანიზმის, გარეშე ახლო კონტაქტი ჰქონდა ივანიშვილთან.
“ქოცუნებო” დაუღუპიხართ გახარიას, ბიძინა უნახავს ახლოდან – კოვიდის სიმპტომების გამოჩენის წინ! და არც ერთს კეთებია პირბადე”, – წერს ელიაშვილი.
მთავრობის მეთაურს კორონავირუსი 2 ნოემბერს დაუდასტურდა. მანამდე კი, ორი დღით ადრე, საჯაროდ, გიორგი გახარია პარტიის ლიდერთან, ბიძინა ივანიშვილთან და სხვა წარმომადგენლებთან ერთად გლდანში, შემაჯამებელ შეხვედრაზე იმყოფებოდა. შეხვედრაზე პარტიის სხვა წევრებისგან განსხვავებით, გახარია ნიღბით იმყოფებოდა.
შეგახსენებთ იმასაც, რომ ნიღაბი, ექიმების თქმით, ბოლომდე არ გიცავს ინფექციისგან, ის მხოლოდ ამცირებს გადადების რისკს და თუ მაინც გადაგედო, სუსტი სიმპტომით მიდის დაავადება, უმეტესად.
უცნობია, თავად არჩევნების დღეს თუ შეხვდნენ ერთმანეთს ივანიშვილი-გახარია, თუმცა ცალსახაა, რომ მათ კონტაქტი ჰქონდათ. ცნობისთვის, გიორგი გახარია 1 ნოემბერს გადავიდა თვითიზოლაციაში, რადგან მის დაცვის თანამშრომელს კორონავირუსი დაუდასტურდა.
კომენტარები