“ერთმა ყელში მომიჭირა და 15-20 ადამიანი მირტყამდა…” – შაკო კუჭაშვილი

სამოქალაქო აქტივისტი, შაკო კუჭაშვილი, რომელზედაც გუშინ გავრცელდა ინფორმაცია, რომ გლდანში, საოლქო კომისიის შენობასთან ჯერ სცემეს და შემდეგ კი პოლიციამ დააკავა, სოციალურ ქსელში, წერს:

“დიდი მადლობა ყურადღებისთვის

ყველას გიპასუხებთ აუცილებლად.

ის მოხდა, რასაც ყველა ველოდით, “ჭყიპინამ” ზონდერ-ჯგუფი მოქმედებაში მოიყვანა.

ე.ი რა მოხდა – საოლქო კომისიაში ვიცავდი ქართული ოცნების ხმებს, ვიცავდი ვერაგი ოპოზიციონრებისგან, გარეთ შეკრებულ ჯგროს მოვუწოდე, კომისიისთვის მიეცათ მშვიდად მუშაობის საშუალება – ამ დროს, ყველა მხრიდან, ჩემთვის უცნობი პირები დაიძრნენ, ერთ-ერთმა ყელში მომიჭირა, დანარჩენები მირტყავდნენ თავის არეში მუშტებს და წელის არეში – ფეხებს, ალბათ 15-20მდე ადამიანი.

აი, ეს მოხდა რეალურად.

ეჭვი მაქვს, იქ მყოფი ოპოზიციური ტელეარხები რეალობას სხვაგვარად დახატავენ. ამიტომ ვწერ ამ პოსტს.

პასუხი აუცილებლად იქნება, აუცილებლად !

რაც შემეხება – უკეთ ვარ, ნუ ნერვიულობთ. ბრძოლა გრძელდება სრულ გამარჯვებამდე”