ჟურნალისტი, ნინო ჯანგირაშვილი, სოციალურ ქსელში, წერს:
“ძირფასო ოპოზიციურო პარტიებო.
ვიცი, რომ არ გაქვთ ადვილი გადაწყვეტილება მისაღები. პარლამენტს გარეთ დარჩენა არ არის ადვილი, პოლიტიკოსებს ის ხელფასებიც ჭირდებათ, რასაც პარლამენტში იღებენ და ის თანხებიც, რასაც ბიუჯეტიდან იღებენ, რომ იარსებონ, ქონდეთ ოფისები, ელემენტარული ლოჯისტიკური საკითხები მოაგვარონ. გაქვთ გარკვეული ვალდებულებები მაგალითად სპონსორებთან, გარდა ამისა, ყველას გყავთ სუსტი რგოლები სიაში, ანუ გამსვლელი სიის მიღმა ისეთი ხალხი გიწერიათ ფორმალურად, საერთოდ რომ არ იცნობთ ზოგს.
სავარაუდოდ სწორედ ამ ხალხში ეძებს ივანიშვილი მათ, ვისაც მოისყიდის, რომ კიდევ ერთხელ დაგვცინოს. მაგრამ მოგვარებადია ყველაფერი.
თუ თქვენ იმ ხალხს დაგვიდგებით გვერდით, ვისაც აღარ გვინდა ამ ჭაობში ცხოვრება, ჩვენც გიგულშემატკივრებთ ბოლომდე. გამჭვირვალობა და ამომრჩეველთან თანამშრომლობაა ახლა გამოსავალი. დაიწყეთ დეპუტატობაზე უარის თქმის განცხადებების დაწერა სიების ბოლოდან. თუ ვინმე გაჭედავს, გამოიტანეთ საჯაროდ მისი ვინაობა. არ შეიტანოთ ლიდერებმა მანდატზე უარის თქმის განცხადებები, სანამ ბოლო ეშელონების განცხადებებს არ შეიტანთ.
გარდა ამისა, როგორც კანონში ვხედავ, თქვენ საბიუჯეტო დაფინანსება მაინც გეკუთვნით არჩევნების შედეგების მიხედვით, მიუხედავად იმისა, შეხვალთ თუ არა პარლამენტში. არ თქვათ უარი, მიიღეთ ეს დაფინანსება და იქნებ ცოტა ხნით ამით აარსებოთ პარტიები, ოფისები. სავარაუდოდ ოცნება ამითაც შეეცდება მანიპულირებას და თქვენზე ზეწოლას, მაგრამ კანონში ცალსახად წერია რომ გეკუთვნით. მე პირადად არ მენანება თქვენთვის ეს ფული ბიუჯეტიდან. მინდა რომ გაძლიერდეთ. მოკლედ, დიდი ბრძოლა გველის და ნუ გაგვიცრუებთ იმედებს.”
კომენტარები