თეა თუთბერიძე:

“მეგობრებო, ერთ კეთილ რჩევას მოგცემთ ოპოზიციურ პარტიებს და მათ წარმომადგენლებს, რადგან ძალიან არ მინდა ადამიანები, რომლებიც თქვენი გულწრფელი და უანგარო მხარდამჭერები არიან იმედგაცრუებული ვნახო.

ბევრგან შემხვდა უკვე, რომ აი, ოქმებში სხვაობაა გაცემულ ბიულეტენებსა და მიცემულ ხმებს შორის. ასევე ის რომ, უფრო მეტი ჯამური რაოდენობაა დაფიქსირებული ოქმებში ვიდრე უბანზე ბიულეტენია გაცემული მისულ ამომრჩეველზე და ა.შ. ვინც არჩევნები იცით, ხომ იცით, რომ ოქმებს გადასატანი ყუთის ხმები ემატება და საერთო ჯამური მაჩვენებელი სხვა გამოდის ბუნებრივია? ამდენი ოპოზიციური პარტიის კომისიის წევრების ხელმოწერაა ოქმებზე და ოქმი თუ არასწორადაა შედგენილი, თქვენი წარმომადგენლები ხელს როგორ აწერენ ამ ოქმებს? ასევე, ოქმებზე სადაც ნაკლები ბიულეტენია დაფიქსირებული ვიდრე გაიცა ამომრჩეველზე, მანდ საერთოდ ვერ იდავებთ ოქმის არასწორად შედგენაზე, რადგან მე ამომრჩეველმა ჯიბეში შეიძლება ჩავიდო და სახლში წავიღო სულაც ბიულეტენი.

ლოგიკა სადაა, თუ ოქმი არასწორადაა შედგენილი, შენი კომისიის წევრი რომელსაც სპეციალური ტრენინგები აქვს გავლილი თუ რა და როგორ უნდა გააკეთოს არჩევნებზე, ხელს როგორ აწერს ამ ოქმებს? ამიტომ მორჩით ამ სპეკულაციებს მეგობრებო და საქმეს მიხედეთ! დაჯექით და რეალურად დააჯამეთ უბნებიდან წამოსული შედეგები. გამორიცხულია ცესკომ ოქმების შეცვლა მოახერხოს. ოპოზიციის წარმომადგენლებს ყველა უბნის ოქმზე ხელი აქვთ მოწერილი და ასლი წამოღებული. კიდევ ერთხელ გიმეორებთ, თუ ოქმი არასწორად იყო შედგენილი, მაშინ ხელი არ უნდა მოგეწერათ, საჩივარი უნდა დაგეწერათ. თუ მოაწერეთ და საჩივარი არ დაწერეთ, აბა ახლა რაზე ვსაუბრობთ ვერ ვიგებ. საქმეს მიხედეთ მეგობრებო, საქმე“

წყარო – პრაიმტაიმი