2020 წლის 8 თვეში მსოფლიოში საერთაშორისო ტურიზმიდან მიღებული შემოსავლის მოცულობა $730 მილიარდით შემცირდა 2019 წლის ანალოგიურ პერიოდთან შედარებით. ინფორმაციას საერთაშორისო ტურისტული ორგანიზაცია ავრცელებს.
ორგანიზაციის მიერ გამოქვეყნებული სტატისტიკით, 2020 წლის იანვარ-აგვისტოში მსოფლიომ 700 მილიონით ნაკლები ტურისტი მიიღო. ნაკადის შემცირებამ სოლიდური ფინანსური ზარალი გამოიწვია. ჯამში ტურისტული ნაკადი 70%-ითაა შემცირებული.
ამასთან, 2020 წლის ივლისში საერთაშორისო ტურიზმი 81%-ით, ხოლო ივლისში 79%-ით შემცირდა. ყველაზე მეტად დაზარალდა აზია-წყნარი ოკეანის რეგიონი. მეორე ადგილზეა ფინანსური დანაკარგებით აფრიკა, ახლო აღმოსავლეთი – 69%-ით. შემდეგ ევროპა 68%-ით და ამერიკის რეგიონი 65%-ით.
ექსპერტების შეფასებით, შეზღუდვებმა მგზავრობაზე, მომხმარებლის უნდობლობა და კორონავირუსთან ბრძოლის დაბალი ტემპი საერთაშორისო ტურიზმის გამოცოცხლების შეფერხების მთავარი მიზეზია.
კომენტარები