აჭარაში 5 კოვიდინფიცირებული გარდაიცვალა.
მათგან პირველი გარდაცვალება რესპუბლიკურ საავადმყოფოში დაფიქსირდა. 81 წლის კაცი საავადმყოფოში 14 ოქტომბერს შევიდა, აღენიშნებოდა ორმხრივი პნევმონია, სუნთქვის მწვავე უკმარისობა და შოკი.
რესპუბლიკურში გარდაცვლილი მე-2 პაციენტი 49 წლის ქალი იყო, რომელიც კლინიკაში 18 ოქტომბერს შევიდა, აღენიშნებოდა ორმხრივი პნევმონია, სუნთქვის მწვავე უკმარისობა, ანემია და შოკი. პაციენტს თირკმლის ქრონიკული უკმარისობა ჰქონდა და ასევე დიალიზდამოკიდებული იყო.
რესპუბლიკურ საავადმყოფოში გარდაცვლილი მე-3 პაციენტი, 40 წლის კაცი იყო და მას თანმხლები დაავადება ცე ჰეპატიტი ჰქონდა.
მე-4 კოვიდინფიცირებული კლინიკა „მედინაში“ მკურნალობდა. 66 წლის კაცი კლინიკაში 20 ოქტომბერს შეიყვანეს. რაც შეეხება პაციენტის დიაგნოზს, მას მიოკარდიუმის ინფარქტი, მძიმე სარქვლოვანი პათოლოგია, მარჯვენამხრივი და პნევმონია დაუდგინდა.
მე-5 გარდაცვლილი ქობულეთის სამედიიცნო ცენტრში მკურნალობდა. 60 წლის კაცის დიაგნოზს ორმხრივი მწვავე პნევმონია და გულის უკმარისობა წარმოადგენდა.
საქართველოში კორონავირუსი კიდევ 1595 ადამიანს დაუდასტურდა, 398 პაციენტი გამოჯანმრთელდა, ხოლო 6 ინფიცირებული გარდაიცვალა, ინფორმაცია ვებგვერდ StopCov-ზე გამოქვეყნდა.
კომენტარები