მოვუწოდებ მოსახლეობას, რომ სიმპტომების არსებობის შემთხვევაში დიდი ალბათობით შეიძლება იყოს კოვიდი, ამიტომ უნდა დავრჩეთ სახლში და სახლიდან კონტაქტი გვქონდეს ჩვენს ოჯახის ექიმთან და 112-თან, – ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
მისი თქმით, თუ 112 და ოჯახის ექიმი ჩათვლის საჭიროდ ტესტის გაკეთებას, მაშინ უნდა გავიკეთოთ.
„ტესტის პასუხი სანამ გექნებათ, სასურველია ისევ იზოლაციაში დარჩეთ და იმოქმედოთ ექიმის დანიშნულებისა და რეკომენდაციების მიხედვით. ეს არის დღეს მთავარი გზავნილი“, – განაცხადა ამირან გამყრელიძემ.
კომენტარები