ყოფილი იპოდრომის ტერიტორიაზე დღეიდან თბილისის ცენტრალური პარკის მშენებლობა იწყება, რომლის სრული ფართობი 36 ჰექტარი იქნება.
იაპონური და ფრანგული ბაღები, ხელოვნური ტბა, შადრევანი, ამფითეატრი, სპორტული მოედნები და კვების სივრცე, საგანმანათლებლო ცენტრი, მდელო, ზიპლაინი, ბოტანიკური ბაღი, საფეხმავლო ბილიკი – ესაა არასრული ჩამონათვალია იმ ობიექტებისა, რომლებიც ქალაქის ცენტრში, ერთ სივრცეში გაერთიანდება. ასე დააგეგმარეს თბილისის ცენტრალური პარკი ჰოლანდიელმა სპეციალისტებმა, ფლორისტებმა და დიზაინერებმა.
ყოფილი იპოდრომის ტერიტორია კერძო მესაკუთრეებისგან ფონდმა ქართუმ 2009 წელს გამოისყიდა და მუნიციპალიტეტს საჩუქრად გადასცა. ცენტრალური პაკის მშენებლობასაც 100 პროცენტით ფონდი ქართუ დააფინანსებს, იგეგმება ათეული მილიონი ლარის დახარჯვა. წლების განმავლობაში ვრცელდებოდა ინფრომაცია, რომ ამ ადგილას კორპუსები აშენდებოდა. ბიძინა ივანიშვილისა და მისი ოჯახის გადაწყვეტილებით კი, დღეს ეს სივრცე უკვე დედაქალაქის საკუთრებაა.
კომენტარები